151a7 / //[ ]@##/ /rgya gar skad du/ Ar+ya dzAM gu lI tA rA sA d+ha naM/ bod skad du/ 'phags ma sgrol ma dug sel ma'i sgrub thabs/ sgrol ma dug sel ma la phyag 'tshal lo/ /dzAM gu lI yi gzugs 'dzin pa'i/ /bcom ldan sgrol ma la phyag 'tshal/ /
151b1 sems can kun la brtse ba'i phyir/ /de yi sgrub thabs mchog gyur bri/ /dang por re zhig sngags pas gtsang zhing khrus byas nas phreng ba dang gos dkar po bgos te/ skye bos dben pa'i sa phyogs su byug pa byas la dri bzangs dkar pos chag chag btab nas me tog dkar po gcal du bkram
151b2 ste/stan bde ba la 'dug nas 'gro ba rnams la byams pa dang snying rje bsgom par bya'o/ /oM swa b+hA ba shud+d+haHsarba d+harmAHswa b+hA ba shud+d+hou0f85haM zhes brjod par bya'o/ /de nas stong pa nyid mngon du bya zhing bsams nas paM yig dkar po las skyes pa'i pad+ma dkar po 'dab ma brgyad pa'o/ /de'i steng d
151b3 u aM yig las skyes pa'i zla ba'i dkyil 'khor gyi steng du hrIH yig dkar po 'od zer gyi tshogs dpag tu med pa 'phro ba'o//de las byung ba'i bcom ldan 'das ma dug sel ma bsgom par bya ste/ sku mdog dkar mo phyag bzhi pa/ ral pa'i cod pan can/ na bza' dkar po'i stod
151b4 g.yogs can/rin po che dkar po'i rgyan dang ldan ma sbrul dkar pos brgyan pa/ sems dpa'i skyil krung gis bzhugs pa/ rtsa ba'i phyag gnyis kyis pi wang bsgreng ba/ gnyis pa'i g.yas dang g.yon pas sbrul dkar po dang / mi 'jigs pa'i phyag rgya mdzad pa/ zla ba'i
151b5 'od zer gyi phreng ba can bsgom par bya'o//spyi bo dang mgrin pa dang nu ma'i bar du zla ba'i dkyil 'khor la gnas pa'i AHhrIHhUM gi yi ge la sogs pa ji srid mi ngal gyi bar du bsgom par bya'o/ /de nas sngags bzlas par bya ste/ hrIHyig 'bum phrag bdun bzlas nas me tog dkar pos
151b6 sbyin sreg khri phrag bdun bya'o//mkhas pas rgyan thams cad dkar po gdags par bya'o/ /de nas bya khyung gi dbang phyug gi mthus bstan bcos thams cad la mi 'jigs pa'i mkhas par 'gyur ro zhes so/ /'phags ma sgrol ma dug sel ma'i sgrub thabs rdzogs so// //