149b4 /zab mo la ni mkhas pa rnams/ /'di la bzod pa mdzad par rigs/ /rgya nag chen po'i rim pa'i sgrol ma'i sgrub thabs slob dpon rtag pa'i rdo rjes mdzad pa rdzogs so// //[ ]@##/ /rgya gar skad du/ mr-i t+yu bany+tsa na tA rA sA d+ha naM/ bod skad du/ 'chi ba slu ba'i sgrol ma'i
149b5 sgrub thabs/sgrol ma dkar mo la phyag 'tshal lo/ /sngon ma bzhin du stong pa nyid kyi mthar thug par bsgoms nas/ chu skyes dkar po'i dbus gnas pa'i/ /tAM yig las byung zla ba'i gdan/ /rdo rje skyil mo krung gis bzhugs/ /mchog sbyin dang ni ut+pal bsnams/ /ston ka'i zla ba lta
149b6 bu'i 'od//zla ba'i steng na yang dag bzhugs/ /rgyan rnams thams cad yongs su rdzogs/ /bcu drug lo yi sku ldan rim/ /snying gar 'phags ma sgrol ma bsgom/ /de yi 'khor lo zla 'od bzhin/ /re'u mig brgyad la yi ge brgyad/ /mngon par yongs su bskor gyur te/ /oM hA gsal byed
149b7 dbus gnas pa//bsgrub bya'i ming ni lte bar bya/ /mkhas pas rtse gcig yid kyis ni/ /nges par brtan pos zla drug bsgom/ /yi ge bcu yi sngags 'di ni/ /mi skyo'i yid kyis bzlas par bya/ /de la sngags ni 'di'o/ /oM tA re tut+tA re tu re swAhA/ /sgrol ma'i 'khor lo skom pa pos/ /zla ba drug gis
nges par ni/