148a7 /'jigs pa brgyad po bcom gyur nas/ /'gro kun bla med byed par shog /'phags pa 'jigs pa chen po brgyad las skyob pa'i sgrol ma'i sgrub thabs rdzogs so// //[ ]@##/ /rgya gar skad du/ cI na kra ma Ar+ya tA rA sA d+ha naM/ bod skad du/ rgya nag rim pa'i 'phags ma sgrol ma'i
148b1 sgrub thabs/'phags ma sgrol ma la phyag 'tshal lo/ /sngon du gsungs pa'i cho gas 'dir stong pa nyid du bsgoms nas AHyig dmar po las skyes pa'i pad+ma dmar po'i steng du tAM yig dkar po las skyes pa'i pad+ma'i snod ces pa thod pa'i snod du nyi ma la gnas pa'i hUM yig nag po las skyes pa'i sa bon dang
148b2 bcas pa'i gri gug bsam/gri gug yongs su gyur pa las rje btsun ma 'phags ma sgrol ma sku mdog nag mo zhal gcig pa phyag bzhi pa/ spyan gsum pa/ thung zhing lto ba 'phyang ba/ zhal mche ba gtsigs pa/ zhabs g.yon brkyang gis ro'i gdan la bzhugs pa'o/ /klu brgyad kyi rgyan gyis brgyan pa/
148b3 stag gi pags pa'i na bza' can/ mgo'i phreng ba 'phyang ba dang ldan pa/ phyag rgya lngas rnam par brgyan pa/ ral gri dang gri gug g.yas kyi phyag na bsnams pa/ ut+pa la dang thod pa g.yon gyi phyag na bsnams pa/ mi bskyod pas dbu brgyan cing ral pa kham pa'i thor tshugs can/ mi bzad pa'i
148b4 gad rgyangs can shin tu 'jigs pa'i skur bskyed nas/oM hrIH hUM phaT ces pa'i sngags shes rab lhag par gsal bar byed pas bzlas par bya'o/ /mkhas pas ral gri'i gnas su ni/ /mi yi rus pa'i phreng ba bsam/ /spro dang bsdu ba'i sbyor ba yis/ /sngags mchog yang dag bzlas par
bya/