CLOSE WINDOW

D3486
བོད་ཡིག

/dbang du byed pa'i sgrol ma'i sgrub thabs slob dpon rdo rje myu gus mdzad pa rdzogs so//[ ]@##/ /rgya gar skad du/ badzra tA rA sA d+ha naM/ bod skad du/ rdo rje sgrol ma'i sgrub thabs/ rdo rje sgrol ma la phyag 'tshal lo/ /sbyin sreg las kyi cho ga yis/ /'dod pa'i don kun sgrub byed pa'i//rdo rje sgrol ma sgrub pa'i thabs/ /de nas yang dag bshad par bya/ /de la sngags kyi tshig ni 'di rnams su 'gyur te/ na ma Ar+yA ba lo ki te shwa rA ya/ bo d+hi satwA ya/ ma hA satwA ya/ ma hA ka ru Ni kA ya/ tad+ya thA/ oM tA re tut+tA re tu re sarba duSh+TAM pra duSh+TAM ma ma kra te dzam+b+ha ya staM b+ha ya/mo ha ya/ ban+d+ha ya hUM hUM hUM/ phaT phaT phaT/ sarba duSh+TAM staM b+ha ni tA re swA hA/ ma mo'i dkyil 'khor dbus gnas pa'i/ /lha mo sgrol ma bsgom par bya/ /phyag brgyad zhal bzhi dang ldan pa/ rgyan rnams kun gyis brgyan pa yi/ /gser gyi mdog can bsgom bya ste/ / gzhon nu ma yi mtshan ldan brjod/ /rdo rje nyi mas dbang bskur skyes/ /sangs rgyas lnga yi cod pan che/ /lang tsho gzhon zhing yid du 'ong / /gser gyi rna rgyan g.yo ba can/ /'od zer dmar pos rnam brgyan cing / /sna tshogs pad+ma'i gdan la bzhugs/ /rdo rje zhags pa de bzhin dung //mda' rnams bsnams pa g.yas kyi phyag /rdo rje lcags kyu ut+pal gzhu/ /sdigs mdzub rnams ni g.yon gyi phyag /rdo rje skyil krung rnal 'byor gyis/ /sa gsum po ni bsgrub par bya/ /mdun du me tog sgrol ma ni/ /dkar mo shin tu yid 'ong ma/ /oM yig rnam pa nyid las skyes//me tog phreng ba phyag na bsnams/ /zhal gcig phyag ni gnyis ma ste/ /rgyan rnams kun gyis rnam par brgyan/ /lho phyogs bdug spos sgrol ma ni/ /gzugs mdzes sku mdog nag mo ste/ /bdug spos snod ni phyag na bsnams/ /rgyan rnams kun gyis rnam par brgyan//nub phyogs mar me'i sgrol ma ni/ /rgyal chen sku mdog ser mo ste/ /gser gyi rna cha g.yo ba can/ /phyag na mar me'i sdong bu bsnams/ /byang phyogs dri yi sgrol ma ni/ /dri yi dung chos phyag na bsnams/ /lha mo sku mdog dmar 'bar ma/ /snying po'i dkyil 'khor gsal bsgom bya/ /lcags kyu la sogs dbye ba yis//de nas sgo skyong bsgom par bya/ /shar sgor rdo rje lcags kyu ma/ /zhal gcig phyag ni gnyis pa ste/ /sku mdog nag mo bzhin mdzes ma/ /rdo rje lcags kyu ut+pal phyag /lho sgor rdo rje zhags pa ma/ /sku mdog ser mo bzhin 'jigs ma/ /zhal gcig phyag ni gnyis pa ste/ /phyag na rdo rje zhags pa bsnams//nub sgor rdo rje lcags sgrog ma/ /zhal gcig phyag ni gnyis pa ste/ /sku mdog dmar mo bzhin 'jigs ma/ /rdo rje lcags sgrog phyag na bsnams/ /byang sgor rdo rje dril bu ma/ /zhal gcig phyag ni gnyis pa ste/ /sku mdog dkar mo bzhin 'jigs ma/ /phyag na rdo rje dril bu bsnams/ / 'di rnams g.yas brkyang zhabs kyis bzhugs/ /nyi ma'i gdan la nyi 'od bzhin/ /'bar ba'i phreng bas kun nas 'khrigs/ /sbrul gyi rgyan gyis brgyan par blta/ /steng du gtsug tor rnam rgyal ma/ /'og tu gnod mdzes ma nyid bsgom/ /'khor lo sbrul gyi zhags bsgoms nas/ /sngags ni 'phro zhing bzlas par bya//oM tA re tut+tA re tu re swA hA/ yi ge bcu yis lha mo bcu/ /pha rol phyin pa bcu la brten/ /bsgom pa rab tu sbyor ba yis/ /don rnams thams cad rab tu 'grub/ /sangs rgyas kun gyis phyag mdzad pa'i/ /sngags mchog 'di ni gtso bo ste/ /bklags pa yis ni don 'grub 'gyur/ /myur du rdo rje'i gur bsgoms nas/ / sngags 'dis gos kyi sna la lan bdun mngon par bsngags byas nas/ /mdud pa byas na 'jigs bcas gang du 'gro yang 'jigs mi 'gyur/ /stag dang chom po chu srin seng ge glang chen ma he sbrul/ /dom dang dred sogs rnams la ming dran tsam gyis 'jigs med 'gyur/ /sngags 'dis ut+pal la brgya rtsa brgyad sbyin sreg byas na gang 'dod pa de dbang du 'gyur ro//oM tA re tut+tA re tu re a mu ki me ba sha ma nA ya swA hA zhes so/ /de bzhin du sngags 'dis bya rog gi sgro la lan sum cu rtsa gnyis bzlas te khang par sbas na zhag bdun gyis skrod par 'gyur ro/ /oM tA re tut+tA re tu re tsa la pra tsa la shI g+h+raM gA mi ni de ba dat+taM uts+tsha Ta ya hUM hUM phaT/ de nas gzhan yang rab tu sbyor bar 'gyur te/oM tA re tut+tA re tu re a mu ka a b+hi d+hA nAM ku mA rI ma h+yaM byi bA he na t+yAHpi tA pra yats+tsha tu swA hA/ myos byed gtum po'i sa bon dang / /de bzhin myos byed 'bras bu dang / /mya ngan med pa'i me tog bcas/ /sbyin sreg stong phrag lnga byas te/ /mar dang sbrang rtsi bu ram gyi/ /sbyin sreg bu mo bsgrub la bsngags//de ni zhag bdun sbyor ba yis/ /rang 'dod bu mo thob par 'gyur/ /de nas gzhan la yang rab tu sbyor bar 'gyur te/ oM tA re tut+tA re tu re a mu ka a b+hi d+hA nAM swas+thA na te A kaR+Sha ya ma mAn+ti ke dzaHsngags 'di rgya shug gi tsher ma la stong phrag lnga lnga bzlas shing rang byung gi me tog la bsnyugs shing sbyin sreg byas na 'dis rgyal po'i bu mo yang 'gugs par byed do//de nas gzhan yang rab tu sbyor bar 'gyur te/ rang byung gi me tog gis bskus pa'i ras la bcom ldan 'das ma zhal gcig phyag gnyis pa lcags kyu dang ut+pa la'i zhags pa bsnams pa bris la/ de'i mdun du/ lha rdzas me tog dam pa 'di/ /zhes pa la sogs pas mchod pa byas la phyi nas bsgom pa dang ldan pas bzlas pa bya'o//oM tA re tut+tA re tu re a mu ki ma ma e pa tsi taM swaMp+na ka thA ya hUM phaT/ stong phrag lngas 'ong bar 'gyur ro/ /zhags pas ske bcings te lcags kyus phug nas bsgrub bya rkang pa'i mthil du bsams te bran mo'i gzugs kyis spyad par bya'o//de nas gzhan yang rab tu sbyor bar 'gyur te/ sgrol ma'i gzungs lan bdun mngon par bsngags te bdag nyid kyi mig gnyis la byugs nas rgyal po'i rigs kyi nang du zhugs na de nas rgyal po dang bcas pa slob mar gyur pas gus par byed par 'gyur ro/ /'gal bar smra bar mi 'gyur ro/ /dad pas 'bul bar 'gyur ro//dga' ba'i gtam byed par 'gyur ro/ /de'i g.yog byed par 'gyur ro/ /khro ba yang dbang du 'gyur ro/ /mthong ba'i rkyen du yang dag par 'gyur ro/ /de nas gzhan la yang sbyor bar 'gyur te/ sgrol ma'i gzungs lan brgya bzlas nas sbrul gdong gnyis pa'i mgo thal bar byas te/ba dmar mo'i mar la arka'i bal la sdong bu byas te rab tu sbar nas mig sman byas te/ de'i mig sman dang rdo rje nyi ma dang rdo rje chos dag mnyes shing rta mchog gis bdug par bya'o/ /thal ba dang lhan cig mig sman byas nas gang la rdo rje'i mig gis bltas pa de'i gal te pad+ma gar dbang 'dzag par ma gyur na de'i tshe sgrol ma bdag gis bcom ldan 'das nges par bslus pa yin no//de nas gzhan la yang rab tu sbyor bar 'gyur te/ so ma skyes pa'i bu chung gi kha chu blangs nas sgrol ma'i gzungs lan bdun mngon par bsngags te/ b+h+ring ga rA dza'i rtsa ba dang / gi wang dang lhan cig tu byas nas dpral bar thig le byas na gang dang gang la bltas pa de dang de dbang du 'gyur te gzhan la dga' bar mi 'gyur ro//gzhan la mi 'gro zhing rang spong bar mi 'gyur ro/ /de nas gzhan la yang rab tu sbyor bar 'gyur te/ lto ba'i srin bu la sgrol ma'i gzungs lan bdun mngon par bsngags te rdo rje chos dang bcas te so rtsi gzhon nu ma la byin nas des longs spyad na sbyor ba'i mchog 'di mi spong zhing gzhan la dga' bar mi 'gyur la/gzhan la mi 'gro bar rang gi bdag po yang spong bar mi byed do/ /de nas gzhan la yang rab tu sbyor bar 'gyur te/ zhag chen po rang gi lus la byugs te/sgrol ma'i gzungs khri phrag gcig bzlas te bsgom pa dang ldan pas bzlas pa'i mthar 'bras sA lu'i zan gyi dril phyis byas pa'i dri ma bsdus te gang la byin pa de ji srid 'tsho'i bar du gtong bar mi 'gyur ro/ /de nas gzhan la yang rab tu sbyor bar 'gyur te/ zla ba gzas zin pa'i dus su sgrol ma'i gzungs bzlas shing bsnyen pa byas la/de las byung ba'i 'jig rten dbang phyug blangs la dung gi phye mar sbyar bar bya'o/ /de gang la byin pa de ji srid 'tsho'i bar du rjes su 'jug par 'gyur ro/ /de nas gzhan la yang rab tu sbyor bar 'gyur te/ sgrol ma'i gzungs myos byed kyi 'bras bu la lan brgya rtsa brgyad yongs su bzlas te 'bras bu de rta mgrin dang lhan cig tu byas nas byugs na de dbang du 'gyur ro//de nas gzhan du yang rab tu sbyor bar 'gyur te/ oM tA re tut+tA re tu re che ge mo'i ban+d+ha na muk+tiM ku ruHswA hA/ sngags 'dis arka'i lo ma la bsgrub bya'i ming bar du bcug ste yang dag par bris nas srin bu sdig pa'i tshad du sbas na bcings pa las grol bar 'gyur ro/