CLOSE WINDOW

D3477
བོད་ཡིག

/kun kyang rang bzhin brtag par bya/ /mdor bsdus yan lag bzhi pa yi/ /don bris legs par bshad pa yis/ /'jam pa'i rdo rje 'dir gyur nas/ /'jig rten bde 'bras rab sbyin shog /'jam pa'i rdo rje'i sgrub thabs rdzogs so//[ ]@##/ /rgya gar skad du/ e kA k+Sha ra ka ti pa ya pra yo gi/ bod skad du/ yi ge gcig pa'i rab tu sbyor ba cung zad pa/ 'phags pa 'jam pa'i mgon la phyag 'tshal lo/ /th+l+hiM zhes pa ni bya ba kun grub nus/ /rab mchog shin tu gsang ba las kun pa/ /yi ge gcig pa zhes bya rig sngags rgyal/ /sems can kun gyi rim las 'da' mi byed//sems can kun gyi mthu dang ni/ /sems can kun gyi bkra shis te/ /sgrub pa po yi gsang sngags kun/ /'jig rten kun gyi gtso bo ste/ /nor rnams kun gyi dbang phyug go/ /sdang ba kun gyi byams bdag nyid/ /skye bo kun gyi brtse ba can/ /bgegs rnams thams cad 'joms par byed//mdor bsdus nas ji lta ji ltar rab tu sbyor ba de lta de ltar byed par 'gyur ro/ /ma bsgrubs par yang las thams cad byed do/ /sngags bzlas nas gang la rig pa de dbang du 'gyur ro/ /gos la mngon par bsngags nas gon na skal ba dang ldan par 'gyur ro/ / so shing la mngon par bsngags nas zos na so'i zug rngu 'joms par 'gyur ro/ /ka ra bI ra dkar po'i shing la lan bdun mngon par bsngags nas zos na ma bslangs par yang zas rnyed par 'gyur ro/ /mig gi zug rngu la rgyam tsha phye mar byas nas lan bdun mngon par bsngags te mig tu blugs na mig gi zug rngu 'joms par 'gyur ro//glang po che'i lci ba la sprin las byung ba'i sha mo pa lAk+Sha'i lo ma la dril nas me chung ngu la bsregs nas legs par blangs te drod bde ba tsam byas nas rgya tsha'i phye ma dang sbyar te/ lan bdun mngon par bsngags nas rna bar blugs na de'i skad cig la zug rngu zhi bar 'gyur ro//bud med bu skye ba'i dus su mngal dam zhing zug rngur gyur pa la ba sha ka'i rtsa ba srog chags med pa'i chu la btab nas lte ba'i phyogs su byug pa byas na bde bar skye bar 'gyur ro/ /rma red can gyi skyes bu la mar rnying pa la lan brgya rtsa brgyad bzlas nas 'thungs shing de'i phyogs su byugs na de'i skad cig de la de bzhin du rma red pa med par 'gyur ro//ma zhu ba dang / zug pa dang / gcong can la yang rwa tsha'am tshwa la lan bdun mngon par bsngags te bza' bar byas na de nas nad las grol zhing de'i nyin mo nas bde bar 'gyur ro/ /bu tsha skye ba'i chos ldan ma bu skye bar 'dod na rta dri'i rtsa ba dang ba'i 'o ma mnyes shing bsres te/lan nyi shu rtsa lnga bzlas nas rdul dang ldan pa'i dus su btung bar bya'o/ /pha rol gyi bud med spangs te rang gi chung ma la mngon par 'gro bar byas na bu skye bar 'gyur ro/ /rims nyin gcig pa dang / nyin gnyis pa dang / nyin gsum pa dang / nyin bzhi pa dang / rtag pa'i rims rnams la mar dang bcas pa'i thug pa la brgya rtsa brgyad mngon par bsngags nas zos na bde bar 'gyur ro/ /mkha' 'gro ma dang gdon gyis zin pa rnams la bdag nyid kyi khar brgya rtsa brgyad mngon par bsngags nas bltas na bde bar 'gyur ro/ /byis pa'i ma mo dang /lus srul po dang / ro langs dang / gzhon nu'i gdon la sogs pa rnams dang / mi thams cad la gdug pa mi bzad pas zin pa rnams bdag nyid kyi lag pa la brgya rtsa brgyad mngon par bsngags nas bzung zhing mgo bo la reg na bde bar 'gyur ro/ /lan gcig bzlas na bdag nyid srung bar 'gyur ro//gnyis bzlas na srung ba chen por 'gyur ro/ /gsum bzlas na khyim srung bar 'gyur ro/ /bzhi bzlas na grong srung bar 'gyur ro/ /lnga bzlas na grong khyer srung bar 'gyur ro/ /de bzhin du ji srid drug bzlas na dmag tshogs srung bar 'gyur ro//'di rnams dang gzhan las phra mo ma gsungs pa yang byed do/ /sngags 'dis de bzhin du bud med kyi mo nad la sogs pa rnams la a laM mu sha'i rtsa ba lo ma dang mnyes shing brgya rtsa brgyad mngon par bsngags nas 'o ma dang bsres te btung bar byas na bde bar 'gyur ro/ /ta mtha' ra mtha' yang dag sbyor/