121b3 /oM d+hIHswA hA zhes pa'i sngags brjod par bya'o/ /rig pa 'dzin pa'i sde snod las byung ba bsdus pa'i 'jam dpal gyi sgrub thabs rdzogs so//[ ]@##/ /rgya gar skad du/ bid+yA d+hA rA pi Ta ka pra ti ba na d+haM many+dzu g+ho Sha sA d+ha naM/ bod skad du/ rig pa 'dzin
121b4 pa'i sde snod so so nas bsdus pa'i 'jam dpal dbyangs kyi sgrub thabs/'phags pa 'jam dpal la phyag 'tshal lo/ /sngags pas dang por bya ba ni/ /sangs rgyas la sogs mchog rnams mchod/ /bsod nams yongs su bsngo la sogs/ /de nas byams pa la sogs bsgom/ /snying
121b5 gar zla ba'i dbus gnas pa'i//thig le sngags pas bsgom par bya/ /nyin mor byed pa'i 'od 'phro ba'i/ /thig le kha ba dang mtshungs 'od/ /thig le de las 'od zer bsam/ /ba spu so so'i khung nas 'thon/ /'gro kun mtho gang la sogs pa'i/ /rim pas rnam par gsal bar bya/ /d+hIH
121b6 yig dkar po'i gzugs nyid du//thig le'i nang gtogs 'od zer blta/ /de kun yongs su gyur pa las/ /a ra pa tsa na ru blta/ /snying gar zla ba'i dkyil 'khor la/ /dbus su chud pa'i d+hIHyig blta/ /'od zer dag gi tshogs 'di ni/ /sna nas phyir ni 'byung bar blta/ /sems can
121b7 rnams ni 'jam dbyangs dang //mtshungs par 'byung 'jug rlung gi blta/ /phyi nas d+hIHyi yi ge la/ /'dir ni yid kyis bsdu bar bya/ /oM yig dang po swA hA mtha'/ /sngags ni sa bon yi ge bzlas/ /snying ga'i zla ba la gnas pa/ /ston ka'i zla ba lta bu 'od/ /rig pa 'dzin pa'i sde snod
so so nas bsdus pa'i 'jam dbyangs kyi sgrub thabs rdzogs so/