CLOSE WINDOW

D3455
བོད་ཡིག

/de nas tho rangs nges par 'ong bar 'gyur ro/ /'ongs pa na de la yang phyag rgya chen po'i dngos grub kyi don du rang gi lha rnams mchod pa'i bsam pas ji ltar bde bar longs spyad par bya'o/ /'jam dpal yan lag med pa'i rdo rje'i sgrub thabs rdzogs so//[ ]@##/ /rgya gar skad du/ d+harma d+hA tu bA gI shwa ra sA d+ha naM/ bod skad du/ chos kyi dbyings ngag gi dbang phyug gi sgrub thabs/ 'phags pa 'jam dpal la phyag 'tshal lo/ /de kho na nyid bzhin du stong pa nyid la sogs pa bsgoms pa'i rjes su sna tshogs pad+ma'i steng du zla ba la AHyig dkar po'i sa bon las dpal ldan chos kyi dbyings ngag gi dbang phyug yan lag thams cad dkar po zhal bzhi pa/phyag brgyad pa/ sangs rgyas lnga dang rin po che'i cod pan gyis dbu brgyan pa/ lha'i rgyan dang gos dang sgeg pa la sogs pa'i nyams dang ldan pa/ phyag gnyis ni chos kyi 'khor lo'i phyag rgyas mtshan pa/ral gri dang / mda' dang / rdo rje ni g.yas kyi phyag gsum na'o/ /shes rab kyi pha rol tu phyin pa'i po ti dang / gzhu dang / dril bu ni g.yon gyi phyag gsum na'o/ /rdo rje'i skyil mo krung dang ldan par bdag nyid bskyed nas/ snying gar zla ba la hUM sngon po las skyes pa'i sa bon dang bcas pa'i rdo rje ni phyag rgya chen po'i rang bzhin no//smin mtshams su trA~M yig ser po las sa bon dang bcas pa'i rin po che ni chos kyi phyag rgya'i rang bzhin no/ /mgrin par hrIHyig dmar po las skyes pa'i sa bon dang bcas pa'i pad+ma ni dam tshig gi phyag rgya'i rang bzhin no/ /spyi bor AHyig ljang gu las skyes pa sa bon dang bcas pa'i sna tshogs rdo rje ni las kyi phyag rgya'i rang bzhin no//'dir phyag rgya bzhi dang ldan par bdag nyid bsgom par bya'o/ /oM hUM hrIHb+ha ga bAn dz+nyA na mUrti bA gI shwa ra ma hA wA tsa sarba d+harmA ga ga na a ma la su pa ri shud+d+ha d+harma d+hA tu dz+nyA na gar+b+ha AHzhes pa'i sngags kyis byin gyis brlab par bya'o/ / de nas rdo rje'i khu tshur bcings la gung mo gnyis kyi tshigs gsum pa bcag pa ni ral gri'i rnam par bzung nas mdzub mo gnyis mtheb chen langs pa'i steng du bkug nas bzung ba ni dam tshig gi phyag rgya'o/ /de nas rang gi lce la zla ba la gnas pa'i hrIHyig dmar po'i sa bon gyis byin gyis brlab par bsam mo//khro bo'i ngag gis sngags bzlas par bya'o/ /de la 'di'i bzlas pa'i sngags ni oM badzra tIk+Sh+Na duHkhats+tshe da pradz+nyA dz+nyA na mUrta ye dz+nyA na kA ya bA gI shwa ra a ra pa tsa nA ya te na maHmtshan brgya rtsa brgyad pa dang / mtshan yang dag par brjod pa 'di ltar dus gsum du bklag par bya'o zhes pa ni chos kyi dbyings ngag gi dbang phyug gi sgrub thabs rdzogs so/