CLOSE WINDOW

D3454
བོད་ཡིག

/ut+pal gyis rkang pa bcings nas myos shing skra grol te/ dgug par bya'o/ /oM che ge mo A kAR+Sha ya many+dzu g+ho Sha hrIHdzaHzhes pa ni yan lag med pa'i rdo rje'i sgrub thabs rdzogs so//[ ]@##/ /rgya gar skad du/ badzra a naM ga many+dzu shrI sA d+ha naM/bod skad du/ 'jam dpal yan lag med pa'i rdo rje'i sgrub thabs/ dpal ldan 'jam pa'i dbyangs la phyag 'tshal lo/ /sngon ma bzhin du sdig pa bshags pa la sogs pa byas nas/ stong pa nyid bsgoms te/ de nas haM yig las skyes pa'i haM yig mnan pa'i lte ba'i dbus su mda' dang bcas pa'i gzhu bsgoms nas de yongs su gyur pa las/'phags pa 'jam dpal yan lag med pa'i rdo rje sku mdog ser po phyag drug pa/ rtsa ba'i phyag dag gis ut+pal dmar po'i mde'u dang bcas pa'i mda' bkang ba dang me tog gi gzhu bsnams pa/ g.yas pa gnyis kyis ral gri dang /me long bsnams pa/ g.yon pa gnyis kyis ut+pal dmar po dang / mya ngan med kyi me tog dang bcas pa'i yal ga bsnams pa'o/ /mi bskyod pa dang ral pa'i cod pan gyis dbu la brgyan pa/ zhabs g.yon brkyang ba/ lo bcu drug lon pa lta bu shin tu sgeg pa'i gzugs su blta'o//yang na phyag bzhi pa me long dang / mya ngan med pa'i yal ga 'dzin pa'i phyag gnyis dang bral ba bsgom par bya'o/ /de nas ye shes sems dpa' dang lhan cig tu byas te/ oM many+dzu g+hoSha hrIHdzaHzhes pa'i sngags bzlas par bya'o/ /'bum bzlas na 'jig rten gsum po yang mngag gzhug pa byed par 'gyur ro//yang na 'ga' zhig dgug par 'dod pas de'i tshe de nas gsungs pa bzhin du bsgom par byas nas de'i nga rgyal brtan po byas nas yid kyis rang gi snying gar pad+ma dmar po 'dab ma bcu drug pa mngon par 'phyang ba'i sdong bu dang bcas pa dmigs nas de'i sdong bu'i rtsa bar yi ge hUM yig dmar po dgu blta'o//de'i 'dab ma rnams la g.yas skor du dbyangs yig dmar po bcu drug bsgom par byas nas de'i ze'u 'bru'i steng du nyin mo dang nub mo ji ltar byung ba'i nyi ma dang zla ba dag gi dkyil 'khor dmar po'o/ /de'i dbus su hrIHyig dmar po gnyis kyi bar du brten pa'i 'chad par 'gyur ba'i rang gi sngags blta bar bya'o//de nas dbyangs yig dmar po de rnams la sbrang ma dga' ba rgyas pa dag bsgoms nas rang gi sngags kyi 'od zer gyi tshogs bcug ste/ de snyed mngon par 'dod pa'i bud med kyi gnas su song nas rlung gi dkyil 'khor gyi steng du stobs kyis gzhag par bya'o//'od zer gyi rang bzhin gyi zhags pas mgul nas legs par bcings te/ lcags kyu brtan pos chos 'byung phug nas mdun du yang dag par bkug ste thal mo sbyar zhing mgal me'i 'khor lo'i tshul du 'khor ba'i nang du bcug nas hUM yig dmar pos mig dang snying ga dang yan lag dang nying lag thams cad gang bar bsgom par bya'o//de nas de'i snying gar yang dbyangs yig dmar po bcu drug dang bcas shing sdong bu la hUM yig dang bcas pa'i chu skyes 'dab ma bcu drug pa blta bar bya'o/ /'on kyang dri ma dang bcas pa'i kha dog can no/ /de'i dbus su hrIHyig gis brten pa'i ming gi yi ge bsam par bya'o//de nas rang gi sngags kyi yi ge'i 'od zer las byung ba'i shin tu dmar zhing phra ba'i lcags kyu rnon pos pad+ma'i sdong bu la gnas pa'i yi ge hUM gi 'od zer gyis steng du 'gro zhing bskul nas sbrang rtsi byed pa'i tshogs kyi rjes su 'gro ba dang ldan pas rang gi sna bug g.yas pa nas cig shos su zhugs shing 'thon nas bsgrub bya'i sna bug g.yas pa nas zhugs nas de'i snying gar zhugs te/lcags kyus de'i ming gi yi ge la gnas pa 'gugs par byed cing sbrang 'thung de rnams kyis kyang dga' bas pad+ma de las byung zhing rang dbang gis de'i dbyangs rnams 'jib cing rnam par rnyings par byed do zhes shin tu yun ring du mi g.yo bar blta bar bya'o//de nas de kho na bzhin du dbugs kyis bskul ba'i lcags kyu de'i ming stobs kyis blangs te/ sbrang bu de rnams kyis kyang rang gi dbyangs yig de'i sna bug g.yon pa'i lam du zhugs shing 'thon par blta bar bya'o/ /yang blangs te dbugs kyi rlung gis lcags kyus sbrang ma rnams yang dag par bkug ste/rang gi sna bug g.yas pa'i sgo nas zhugs te/ de'i ming gi yi ge rang gi snying ga'i sngags kyis drag tu mnan nas/ dbyangs rnams 'dab ma so so la sbrang bu mchog gis dbang du byas par rnam par bsam par bya'o zhes pa 'di'i rim pas rang gi rnam par shes pa dang /de'i rnam par shes pa gcig tu blta bar bya'o/ /de nas de'i nu ma ut+pal dmar po'i mde'u rnon po dang ldan pa'i mdas phug nas 'dod chags chen pos brgyal te/ 'gyel bar blta zhing lcags sgrog lta bu'i rgyud kyis de'i rkang pa gnyis dam por bcings nas/ rang gis bzung ba'i ut+pa la'i sdong bu'i rang bzhin gyi zhags pas mgul nas bcings te yang dag par bkug nas rang gi rkang pa gnyis kyi bar du lhung bar byas nas mya ngan med pas snying gar bsnun cing mngon pa'i nga rgyal med par byas nas ral gris 'jigs par byas shing skyabs gzhan med par byas te/yang me long gi bdag nyid ji ltar gnas pa skra grol zhing gcer bu shin tu chags pas myos shing bral bas 'jigs pa shin tu gus pas brtan par bya'o/ /rang rig pas rjes su chags par bya'o/ /oM che ge mo A kaR+Sha ya many+dzu g+ho Sha hrIHdzaHzhes pa'i rang gi sngags ming dang bcas pa rtse gcig pa'i sems kyis bzlas par bya'o//de nas gong du gsungs pa'i rim pas dkar po'i mchog gi tshes gcig nas brtsams te ji srid tshes bcu bzhi'i bar du khri phrag gcig tsam bzlas par bya'o/ /yang tshes bco lnga la mchod pa rnam pa rgya chen po byas nas mtshan thog thag bzlas par bya'o/