110a5 /zla la sa bon ral gri dang / /de tshad zla ba'i sa bon 'od/ /'od zer spro dang bsdu byas nas/ /lha rnam lnga ni bsgom par bya//[ ]@##/ /rgya gar skad du/ badzra a naM ga sA d+ha naM/ bod skad du/ yan lag med pa'i rdo rje'i
110a6 sgrub thabs/'phags pa 'jam dpal la phyag 'tshal lo/ /sngon du gsungs pa'i cho gas 'dir stong pa nyid du bsgoms nas/ sna tshogs pad+ma dang nyi ma la paM yig ser po'i sa bon yongs su gyur pa las skad cig gis rje btsun 'jam dpal yan lag med pa'i rdo rjer bdag nyid bskyed de/
110a7 sku mdog ser po zhal gcig pa/ spyan gsum pa/ phyag drug pa ral pa'i cod pan can/ lo brgyad gnyis lon pa lta bu sgeg pa dang bcas pa/ zhabs g.yon brkyang ba/ ral gri dang mda' dang / me long rnams ni g.yas kyi phyag gsum na'o/ /gzhu bkang ba dang / ut+pa la dang /
110b1 lo ma dang bcas pa'i me tog rnams ni g.yon gyi phyag gsum na bsnams pa'o/ /mdzes pa'i rgyan dang na bzas brgyan pa/ mi bskyod pa'i cod pan can bsgoms nas/ myos byed rab tu sbyor bar bsgom par bya'o/ /de bzhin du mda' yis nu ma phug nas mya ngan med pa'i yal gas brdung zhing khrid
nas ral gris bsgrub bya skrag cing me long de la bstan par bya'o/