CLOSE WINDOW

D3450
བོད་ཡིག

a ra pa tsa na'i sgrub thabs slob dpon mi pham bshes gnyen gyis mdzad pa rdzogs so//[ ]@##/ /rgya gar skad du/ mug te ke na a ra pa tsa na sA d+ha naM/ bod skad du/ tshig lhug pa'i a ra pa tsa na'i sgrub thabs/ 'phags pa 'jam dpal la phyag 'tshal lo/ / dang po re zhig sngags pas yid dang mthun pa'i phyogs 'ga' zhig tu stan bde ba la nye bar 'dug ste/ rang gi snying gar yi ge dang po las byung ba'i zla ba la lnga pa'i bzhi pa'i sa bon la A yig dang mthar thig le gnyis dang ldan pa rnam par bsgoms la/ de nas de'i 'od zer gyi tshogs kyis snying la gnas pa'i nyon mongs pa'i mun pa bsal nas byams pa dang /snying rje dang / dga' ba dang / btang snyoms zhes pa tshad med pa'i gnas bzhi bsgom par bya'o/ /'chad par 'gyur ba'i rim pas byams pa gang zhe na/ sems can thams cad la bu gcig pa ltar rab tu dga' ba'o/ /snying rje gang zhe na/ sdug bsngal gsum gyis gdungs pa'i sems can rnams 'khor ba'i rgya mtsho las gdon par 'dod pa'o//dga' ba gang zhe na/ dge ba'i rtsa ba bskyed pas gzhan gyi dbang phyug la sogs pa rnams la longs spyod pa la sems dga' ba'o/ /btang snyoms gang zhe na/ rnam pa thams cad du khong khro ba dang / rjes su chags pa dang bral zhing gzhan la phan pa'i chos nyid rang gi ngang gis 'bab cing rab tu 'jug pa'o zhes pa'i tshad med pa'i gnas bzhi bsgoms nas/de'i rjes su rang gi snying ga'i sa bon nyid las byung ba'i 'od zer gyis nam mkha'i phyogs mtha' dag khyab pa'i bla ma dang sangs rgyas dang byang chub sems dpa' rnams spro ba dang bsdu bas gzhan 'gro ba rnams kyi don gyi bya ba gcig tu byed par bltas la/rang gi snying ga'i sa bon gyi 'od zer gyis de bzhin du lha'i dri bzangs dang me tog la sogs pa khyad par 'phags pa byung ste/ maN+Dal sngon du 'gro bas thal mo sbyar te/ bla ma dang sangs rgyas dang byang chub sems dpa' rnams kyi zhabs kyi chu skyes la spyi bos btud cing gus pas phyag 'tshal nas/'od zer de nyid las byung ba'i me tog dang / bdug pa dang / mar me dang / phye ma dang / dri dang / na bza' dang / rgyal mtshan dang / dril bu dang / ba dan la sogs pa rnams kyis de rnams la phyi dang nang gi mchod pa rnams kyis mchod pa ni mchod pa'o//de nas sdig pa bshags pa la sogs pa bya'o/ /'dod chags zhe sdang gti mug las gyur pa'i/ /lus dang ngag dang gzhan yang yid kyis kyang / /sdig pa bgyis dang de bzhin bgyid stsal rnams/ /thams cad rgyal ba rnams kyi mdun du bshags/ /zhes pa ni sdig pa bshags pa'o/ / gang yang de bzhin gshegs kun bsod nams dang / /gzhan yang rdzogs pa'i byang chub lam bsten dang / /rang sangs rgyas dang bla ma mchog rnams kyi/ /dge ba kun la bdag ni rjes yi rang / /zhes pa ni bsod nams la rjes su yi rang ba'o/ /dus gsum kun du gshegs pa'i sangs rgyas dang / / nam mkha'i phyogs khyab brtse ldan yon tan tshogs/ /skyon spangs 'phags pa'i tshogs dang dam pa'i chos/ /gus pas bdag ni skyabs su nye bar mchi/ /zhes pa ni gsum la skyabs su 'gro ba'o/ /yongs su dag pa rgyal ba'i lam bsten pa/ /tshangs dbang drag po sogs pas rnyed dka' ba//gang 'dir bsod nams tshogs ni nyer bsags pa/ /byang chub sems 'di rab tu bskyed par bgyi/ /zhes pa ni rgyal ba'i lam la bsten pa dang / byang chub tu sems bskyed pa'i tshig go/ /de bzhin du bla na med pa'i mchod pa rnam pa bdun gyis mchod nas/ de'i rjes su bla ma'i gsung gis phyi dang nang du bcas pa thams cad stong pa nyid du bsgoms nas yang brtan par bya ba'i phyir/oM swa b+hA ba shud+d+haHsarba d+harmAHswab+hA ba shud+d+hou0f85haM/ zhes pa'i tshigs su bcad pa brjod par bya'o/ /de'i rjes su rang gi sems kyi snang ba tsam dang sa shing thogs pa med pa'i gzugs dbyangs yig dang po l as byung ba'i zla ba'i dkyil 'khor gyi rnam par bsams la/de'i steng du sngon du gsungs pa'i sa bon/ de nas zla ba dang sa bon yongs su gyur pa las ral gri 'od 'phro ba'i gzugs so/ /de nas tshangs pa'i dbus su ri bong 'dzin pa'i steng du sngon du gsungs pa'i sa bon dang / ral gri yongs su gyur pa las 'jam dpal dbyangs ston ka'i zla ba dang mtshungs pa'i 'od phyogs bcu'i 'jig rten gsal bar byed pa'i 'od kyi tshogs 'chang ba/phyag gnyis pa gzhon nu'i rnam pa can/ phyag g.yas pa na mi shes pa ma lus pa gcig tu gcod par byed pa'i ral gri bsnams pa/ g.yon na thabs su gyur pa ma lus pa'i bstan bcos kyi po ti phyag na bsnams pa/rgyan thams cad kyis brgyan pa/ na bza' dmar po mnabs pa/ bsam gtan la rtse gcig tu gnas pa/ pad+ma rab tu rgyas pa'i zhal mnga' ba/ pad+ma'i spyan mnga' ba/ skyes bu chen po'i mtshan gyis spras pa/ in+d+ra nI la'i nor bu lta bu'i dbu skra'i tshogs zur phud lnga dang ldan pa/chu skyes dkar po 'dab ma brgyad pa dang zla ba la rdo rje skyil krung gis nye bar bzhugs pa/ de bzhin gshegs pa thams cad kyi ye shes kyi ngo bo nyid 'jam dpal gyi skur bdag nyid bsgoms la/ de ltar rnal 'byor pa dam tshig sems dpa'i nga rgyal dang ldan pas rang gi snying gar a yig las skyes pa'i 'khor lo rtsibs brgyad pa/'od zer gyi tshogs 'phro bas mi shes pa ma lus pa 'joms par byed pa myur du g.yas su 'khor bar byed pa'i rim pa bltas la/ de'i steng du bar snang la dbyangs yig dang po las zla ba'i dkyil 'khor/ de'i steng du yi ge lnga rim pa ji lta ba bzhin du mar me 'bar ba'i rnam pa lta bus 'od zer dang bcas pas mi shes pa mtha' dag gcod par byed pa bla ma'i man ngag gis bsgom par bya'o//lha'i rnam pa rdzogs pa las sngags pas le lo med par spro ba la sogs pa byas nas bzlas pa bya'o/ /yang na snying ga'i zla ba'i dbus su a yig dkar po'i rnam pa rdzogs pa las a ra pa tsa na zhes pa dkar po rgyan thams cad kyis brgyan pa/dga' ba'i bsam gtan la rtse gcig tu gnas pa/ rdo rje skyil mo krung gis nye bar bzhugs pa/ phyag g.yas pa dang g.yon pa dag gis ral gri dang po ti bsnams pa/ in+d+ra nI la lta bu'i ral pa'i lcang lo lnga dang ldan pa/ 'od 'phro ba'i zla ba'i zhal zla ba lta bus smra ba'i mchog go/ /zla ba la rang gi sa bon dang bcas pa snying gar bsgoms la/ de'i mdun du ra yig dkar po las byung ba'i dra ba can gyi 'od rang gi sa bon gnas par blta'o/ /de'i rjes su rgyab tu pa yig dkar po las byung ba'i zla 'od rang gi snying ga'i zla ba la sa bon dang ldan par blta'o//de nas g.yas su tsa yig dkar po las byung ba'i skra can ma dkar mo rgyan thams cad kyis brgyan pa/ nu ma rgyas pa rang gi snying ga'i sa bon dang ldan pa bsgom par bya'o/ /de nas g.yon du na yig dkar po las byung ba'i nye ba'i skra can ma rang gi snying ga'i zla ba las sa bon dang ldan par bsgom par bya'o//thams cad a ra pa tsa na dang 'dra bar rnam par bsam par bya'o/ /lha'i tshogs 'di rnams snying ga'i sa bon gyi 'od zer las spro ba dang bsdu bas 'gro ba rnams kyi mi shes pa'i tshogs gcod cing chos kyi bdud rtsi dang / bstan bcos mtha' dag dang / bzo'i tshogs rnams kyis sems can thams cad yang dang yang du yang dag par tshim par mdzad pa/dri ma med cing thogs pa med pa'i rang bzhin du bdag nyid bsgom par bya'o/ /bla ma'i man ngag gis ting nge 'dzin dang sngags bzlas par bya ste/ oM yig dang por byas la sa bon gyi yi ge lnga po dbus su byas nas dam tshig sems dpa'i sa bon gyi mthar sngags so//gang gi tshe ldang bar 'dod pa de'i tshe rang gi sngags bla ma'i man ngag gis bzlas par bya'o/ /de'i rjes su yi ge brgya pa'i tshigs su bcad pa brjod par bya'o/ /oM badzra satwa sa ma ya/ ma nu pA la ya/ badzra satwa twe no pa/ tiSh+Tha dr-i D+ho me b+ha ba/ su toSh+yo me b+ha ba/ su poSh+yo me b+ha ba/ a nu rak+to me b+ha ba/ sarba sid+d+hi m+me pra yats+tsha/ sarba kar+m+ma su tsa me/ tsit+taM shre yaHku ru hUM/ ha ha ha ha hoH/ b+ha ga bA na sarba ta thA ga ta/ badzra mA me muny+tsa badzrI b+ha ba ma hA sa ma ya satwa AHzhes pa'i yi ge brgya pa bklags nas spro ba dang bsdu ba la sogs pa byas nas/ dam tshig sems dpa'i nga rgyal gyis ci bder gnas par bya'o//ting nge 'dzin dang ldan pa'i rnal 'byor pas yang dag pa'i ye shes kyi rgya mtsho'i pha rol du phyin par gyur nas dus ring por mi thogs par bla na med pa'i byang chub thob par 'gyur ro zhes so/ /tshig lhug gsal po 'di yis ni/ /