CLOSE WINDOW

D3449
བོད་ཡིག

bcom ldan 'das kyi cho ga 'dis mkhas pas spyod lam gtsang ma phun sum tshogs pas 'bum phrag bdun bzlas par bya'o/ /ngag gi rgyal po'i sgrub thabs rdzogs so//[ ]@##/ /rgya gar skad du/ a ra pa tsa na sA d+ha naM/ bod skad du/ a ra pa tsa na'i sgrub thabs/ 'jam dpal gzhon nur gyur pa la phyag 'tshal lo/ /ri bong 'dzin pa ltar dkar glegs bam ral gris phyag mtshan pa/ /mchog gi blo gros rab mdzes zhi ba'i gzhon nu zur phud lnga/ /thar mchog dga' ba rgya chen pad+ma'i 'dab 'dra'i spyan yangs pa/ /blo gros ngan pa bsreg mkhas 'jam pa'i dbyangs la phyag 'tshal lo//gang gis blo phyed rgyun mi 'chad par mngon bsgoms pas/ /skye bos a ra pa tsa na ni nges bsgrub phyir/ /dngos po ma lus rtogs pa'i byang chub thob pa yi/ /rin chen 'khor lo'i man ngag shin tu bsdu bar bya/ /mnyam gtsang sngags pas yid du 'ong ba'i sa yi char/ /dri zhim me tog gcal bkram spos chus byugs gyur nas//gang zhig 'jam zhing yid 'ong stan la nyer gnas te/ /bde ba shin tu mtshan med byang chub sems bsgom bya/ /rang bzhin dag pa'i sngags ni yang dag brjod/ /kun nas ma lus stong par rab bsgoms te/ /gzhan don bcas pa bdag gi lus 'di yang / / 'di ni 'od gsal mtha' ru lan cig bsam/ /de nas bar snang zla ba'i dkyil 'khor la/ /dbyangs yig dang po 'od dang ldan pa bsgom/ /de nas 'dir ni shin tu dkar ba'i d+hIH/ /de las 'jam dbyangs dri ma med pa bsgom/ /ri bong gis mtshan bye ba'i 'od mtshungs la/ /rgyan rnams kun gyis brgyan gyur rab tu 'bar//bsam gtan mthar phyin chu skyes steng na bzhugs/ /chags bcas cung zad 'dzum zhing yid du 'ong / /rang gi snying gar a yig mchog ni rnam 'phro legs bltas la/ /mnyam med 'od zer dra ba dang ldan 'khor lo rtsibs brgyad gzugs/ /de yi steng du sngags pas zla ba'i dkyil 'khor rnam par bsgom//de yis ri bong 'dzin ltar 'jam dbyangs nyid dang de bzhin du/ /g.yas phyogs yid 'ong gzugs can 'dzum zhing zur gyis lta byed pa/ /nu ma zung dag rab rgyas skra ldan ma de lta byed pa/ /g.yon phyogs rab mdzes sgeg pa'i gzugs ldan nye ba'i skra can ma/ / yon tan ma lus gter gyur tsa na dag las bsgom par bya/ /mdun du nges dgod dra ba can gyi 'od/ /dri med rab dkar ra yig las byung nyid/ /pa yig las byung 'od zer rang bzhin can/ /yid 'ong zla 'od rgyab tu dgod par bya/ /yang na yi ge 'od zer rab 'bar ba'i/ /mthu ldan rgya chen rnam par bsgom bya ste//de rnams mi shes ri bong rab 'joms shing / /ye shes dam pa rnyog pa med par mdzad/ /'og tu 'khor lo myur du 'khor bsams nas/ /gti mug mun pa mtha' dag 'joms par mdzad/ /yi dam lha sku mi 'gyur nyid bltas nas/ /'od zer dra chen zla ba'i dkyil 'khor bzhin/ / zla ltar 'od zer sprin tshogs rgya chen rnams/ /nges 'thon phyogs bcu rnams su 'phro bar blta/ /bdag lus de bzhin sems can rnams brgyan te/ /mtha' nas slar 'ongs zla ba la zhugs te/ /mchog gi sngags pas blo gros brtan zhing man ngag ji bzhin du/ /a ra pa tsa na mchog sngags bzlas bsgom la 'bad byas na//myur du sa mchog rnams dang dri med yid 'ong phar phyin rnams/ /blo gros ngan pa'i nyes pa kun bcom rgyal rnams thob par 'gyur/ /bla ma dam pa dga' rab rdo rje dam chos mdzod gyur pas/ /bde gshegs tshogs kyi spyan sngar gang rnams cho gas dbang bskur ba'i/ / blo gros bzang po mi pham bshes gnyen skye bo'i blo gros rnams/ /bsgrub phyir a ra pa tsa na mchog 'khor lo gzhung bzhin sbyar/ /'khor lo'i cho ga'i mchog ni legs sbyar ba'i/ /bdag gis bsod nams rgya chen thob bsdus pa/ /gang des 'gro kun sdig las rnam rgyal zhing / /bde ba'i mtha' gcig 'jam dbyangs mchog gyur cig /