105b2 /shes rab 'phel ba'i gter ngag gi rgyal po'i sgrub thabs dpal ldan paN+Di ta 'phrog byed 'joms pas mdzad pa rdzogs so//[ ]@##/ /rgya gar skad du/ bA gI rA dza sA d+ha naM/ bod skad du/ ngag gi rgyal po'i sgrub thabs/ 'phags pa 'jam dpal la
105b3 phyag 'tshal lo//gzhon nu'i rnam par mdzad pa yis/ /'jig rten rjes su 'dzin mdzad pa/ /de bzhin nyid kyi lam ston pa'i/ /'jam pa'i dbyangs la phyag 'tshal lo/ /'jam dpal gyi rtog pa las gsungs pa'i cho gas ngag gi rgyal po'i sgrub thabs bshad par bya'o/ /dang po re zhig zur bzhi
105b4 sgo bzhi pa/rin po che sna tshogs pas brgyan cing bla bres kyis mdzes par byas pa/ mu tig gi rang bzhin gyis rgyal mtshan dang ba dan la sogs pas brgyan pa'i gzhal yas khang rnam par bsams nas/ de la dbus su dar gyi gdan la de'i steng du nye bar 'dug ste/ de nas byang chub tu sems bskyed
105b5 par bya ste/sems can dang sems can gyi rgyud kyis bzung ba ji snyed pa de rnams thams cad 'jam dpal gyi ye shes la rab tu dgod par bya'o zhes so/ /gang yang skad cig gis mi rtag pa dang / bdag med pa dang / sems can gyi sdug bsngal rnams rmi lam dang / mig 'phrul lta bu dang / gzugs
105b6 brnyan tsam ste/gdod ma nas zhi ba/ rang bzhin gyis yongs su dag pa/ ngo bo nyid med pa las skyes shing skye ba med pa yang dag pa'i mtha'i de bzhin nyid du gyur pa chos thams cad stong pa'o zhes stong pa nyid du lhag par gsungs te/ sems can 'di rnams sred pa'i dbang gis ma rig pas mdongs
105b7 shing las kyi rnam par smin pa mi mthong ba de rnams la rten cing 'brel bar 'byung ba zab mo'i las kyi bya ba la zhugs nas bdag gis chos bstan par bya'o zhes snying rje'i phyir yang lhag pa'i tshig go//de'i phyir bcom ldan 'das kyis 'dus pa la sogs pa gsungs te/ stong pa nyid dang snying rje dbyer med par
106a1 byang chub kyi sems shes par bya ste/'dir byang chub kyi sems bskyed par bya ba las bskyed pa ni byang chub sems dpa' zhes gsungs so/ /de nas sangs rgyas dang byang chub sems dpa' thams cad la yid kyis de bzhin du mchod par bya'o/ /de nas rang gi snying gar hUM yig kha dog
106a2 dmar po nyi ma bye ba 'bum brgya stong gi 'od 'bar ba'i bdag nyid ye shes kyi skur blta bar bya ste/des de bzhin du nyi ma'i dkyil 'khor bsgoms nas de'i steng du zla ba'i dkyil 'khor la gur gum gyi mdog lta bu de la yi ge'i mchog dpag tu med pa'i bsod nams bye ba brgya stong nges par maM gi yi ge kha dog lnga
106a3 dang yang dag par ldan pa nam mkha'i phyogs kyi mthar thug par blta'o//de nas ye shes spros pas yang dag par bskul te/ bcom ldan 'das 'jam dpal gser btso ma'i mdog lta bu/ gzhon nu zur phud lnga pa/ chos kyi 'khor lo'i phyag rgya dang yang dag par ldan pa/ shes rab kyi pha rol tu
106a4 phyin pas brgyan pa'i ut+pal sngon po bsnams pa/seng ge'i steng na rol pa'i stabs kyis bzhugs pa/ rgyan thams cad kyis brgyan pa/ sgeg cing 'od zer rgya mtsho'i rlabs kyis khams gsum kun nas 'gengs par mdzad pa/ rtag tu legs sbyar gyi tshigs su bcad pa dang rkyang pa dpag tu med pa
106a5 legs par sbyor zhing gsung ba'i sgras chos ston par mdzad pa'o//spro ba dang bsdu ba sngon du 'gro bas dgug gzhug byas nas/ oM many+dzu badzra hUM zhes pa'i sngags 'dis brtan par byas nas 'jam pa'i rdo rje'i nga rgyal bsgom par bya'o/ /de nas bsgoms pas ngal na sngags bzlas par bya'o/ /oM
many+dzu badzra hUM/