100a2 /oM d+harma d+hA tu wA gI shwa ri muHswA hA zhes so/ /'jam dpal seng ge sgra'i sgrub thabs rdzogs so//[ ]@##/ /rgya gar skad du/ shrI man wA gI rA dza sA d+ha naM/ bod skad du/ dpal ldan ngag gi rgyal po'i sgrub thabs/ 'phags pa 'jam dpal gzhon nur gyur
100a3 pa la phyag 'tshal lo//'gro ba ma lus pa la yang dag bde ba'i mchog 'dod rang gi bde ba ni/ /chung ngu yang ni 'dod min rang bzhin chen po yang dag bla ma'i bka' yis ni/ blo gros dman shing chung la shes rab chu skyes rnam par rgyas byed mkhas pa yis/ /bcom ldan 'jam pa'i
100a4 dpal gyi sgrub thabs bdag gis yang dag rab tu bri bar bya//dad pas dge ba'i ma ma yang dag nyer ston cing / /gang gis mi dge'i bya ba yang ni yongs spangs shing / /de bzhin yid ni dag pas bla ma la thos nas/ /bcom ldan rtag tu bsgom pa la sogs rnam par bya/ /dang po yid la mngon
100a5 'dod dri med dben pa'i phyogs//dri bzangs me tog la sogs rnam pa mang po dang / /chom po dgra dang 'tshe ba la sogs rnam spangs par/ /bya ba kun zin gzhan yang bde bar rab tu 'dug /g.yo ba'i sems ni 'bad pa yis/ /rtse gcig tu ni nges par bya/ /gzhan don byed pa'i bsam pa
100a6 yis//bsgom bya de yis rjes su ni/ /byams pas sems can rnams la lus gcig la skyes mtshungs shing gnyen gyi mtshan nyid ldan/ /snying rjes sdug bsngal las kyang sdug bsngal rgyur gyur 'gro rnams mngon par 'don par spro/ /dga' ba'i sems kyi khyad 'phags mtshan nyid ldan
100a7 pa'i yang dag dga' ba mtha' yas pa//btang snyoms log par mngon zhen zad pa'i rang bzhin dang bcas mkhas pas bsgom par bya/ /de yi rjes su ji srid yid kyis 'dod pa rab brkyang byas/ /dri med 'od 'phro bsil zer byed pa'i dkyil 'khor dkar po'i mdog /de'i steng shin tu
100b1 gzhon zhing dri med gser gyi kha dog can//chu skyes 'dab ma dri med 'dab ma brgyad pa bsgom par bya/ /zla ba chu skyes dag gi 'od zer rnam par brkyang zhing rnam par g.yo ba'i mchog /steng du 'phen 'gyur 'od zer rang bzhin phug na gser mdog 'dra ba'i maM yig la/ /sngon ma dag
100b2 gis g.yogs bzhin 'gro ba rnams la phan phyir sngags pas ring du bsgom//shin tu mchog gyur 'jam pa'i rdo rje go 'phang mngon 'dod mi mchog rnams kyis so/ /phyi nas skye dang rga dang mi mthun smod dang lkugs sogs sdug bsngal 'khrugs rnams la/ /zla ba chu skyes zung la maM
100b3 gyi yi ge las byung 'od kyis 'khrigs bya ste//khams gsum blta zhing bltas pas bde ba'i mchog rnams kun gyi sangs rgyas dang mtshungs pa/ /bdag gis legs byas 'dir yang yid ni yongs rdzogs bdag nyid rnam par blta bar bya/ /phyi nas phyogs bcu rnams su bzhugs pa'i bla
100b4 ma dang ni de bzhin gshegs rnams dang //de bzhin dpal ldan byang chub sems dpa' sku rnams thams cad 'od kyis gdan drangs te/ /de rnams mdun byas yid kyi shing rta'i rang bzhin las skyes mchod pa'i cho ga yis/ /sna tshogs me tog dri bzangs bdug spos sna tshogs rnams kyis yang
100b5 dag mchod byas te//de rnams mdun du dang por yang ni sdig pa bshags pa la sogs rnams byas nas/ /de nas de las de bzhin 'od zer rnams kyis ba spu'i khung zhugs gcig tu son/ /tshogs pa'i rnam pa de yis rab zhugs snying gar blta zhing de nas de byung ba'i/ /rmongs pa'i ri bo chen
100b6 po 'joms mkhas khyab bdag 'jam pa'i rdo rje bsgom par bya//dri med bcu drug lo lon ltar mdzes seng ge sngon po'i steng du bzhugs mdzad cing / /phyag gi pad+ma zung dag bshad pa'i tshul du rnam 'khrigs zhabs g.yon skyil krung phyed/ /tshogs la brten las mtshungs med shin tu mdzes shing
100b7 shin tu ring min thung ngu'ang min//rin chen gser dang nor bu'i rnam pa sna tshogs rgyan gyi phreng bas kun nas brgyan/ /bden pa ma yin rdzun pa'ang min pa'i me long mthil du gzugs brnyan lta bur gsal gyur pa/ /'gro ba kun la yongs su skyabs sbyin smra ba'i mgon po dpa' bo gzhon nu
101a1 bsgom par bya//phyi nas bdag nyid de bzhin sdig pa rnams ni rnam par byang gyur 'jam pa'i rdo rje'i skur gyur pa/ /mkhas pas ji srid bcom ldan sku dang mtshungs par ma gyur bar du ring du yang ni bsgom par bya/ /bsgoms pas ngal na sngags bzlas te/ /ta mtha' ra mtha' sa mtha' dang / /
101a2 de bzhin gsal byed rim pa'i tshogs/ /i yig dang ni sna ldan bcas/ /'di yi khyad par gzhan rnams ni/ /bla ma dam pa'i gsung bzhin du/ /dri med rnam dag rab tu gzung bya blo ldan mkhas pa yis/ /rab mchog bla ma'i bka' yis bsam gtan sngags kyi bya ba bya/ /khyad par kun nas gsungs
101a3 pa mtha' dag bdag gis shes mi nus//gal te yid kyis kyang ni 'jam dpal shin tu ngo mtshar zhing / /yang dag sgrub byed bcom ldan rtag tu 'dzin byed gyur pa yis/ /dngos grub bla ma dam pa'i gsung las blo gros dang ldan zhing / /de bzhin du yang mi shes mun pa'i tshogs rnams nges 'joms
101a4 'gyur//yang dag bla ma'i bka' drin gyis ni blo gros dman pa bdag gis 'jam pa'i dpal/ /gzhon nu'i sgrub thabs 'di byas dpag med bsod nams tshogs ni gang zhig bsags gyur pa/ /de yis 'dir ni mi dge spangs shing dpal ldan 'jam pa'i rdo rje dpe med pa/ /dpal dang yid bzhin
nor dang dpag bsam ljon pa lta bur 'gro kun thob gyur cig /