99a6 /'jam dpal rdo rje mtshungs par shog /tshig lhug pa'i brtan pa'i 'khor lo'i sgrub thabs rdzogs so//[ ]@##/ /rgya gar skad du/ Ar+ya many+dzu shrI sA d+ha naM/ bod skad du/ 'phags pa 'jam dpal gyi sgrub thabs/ 'phags pa 'jam dpal gzhon nur
99a7 gyur pa la phyag 'tshal lo//dang por re zhig zhal bkru ba la sogs pa byas nas/ stan 'jam zhing bde ba la nye bar 'dug ste/ rang gi snying gar paM yig las skyes pa'i pad+ma'i steng du/ a yig las skyes pa'i zla ba'i dkyil 'khor gyi steng du maM yig gi 'od zer gyis 'og min gyi gnas su
99b1 bzhugs pa de gdan drangs nas/thog ma med pa nas yang dag par grub pa'i 'jam dpal gzhon nur gyur pa mdun du bsgom par bya'o/ /de nas phyi'i mchod pa me tog dang spos la sogs pa phul nas/ mngon par phyag 'tshal te/ yang phyi nas sdig pa bshags pa dang / bsod nams la
99b2 rjes su yi rang ba dang /dge ba yongs su bsngo ba dang / gsum la skyabs su 'gro ba dang / byang chub tu sems bskyed pa dang / gsol ba gdab pa dang / bdag nyid nges par dbul ba rnams byas nas/ tshangs pa'i gnas bzhi bsgom par bya'o/ /yang dngos po mtha' dag gi de kho na nyid
99b3 kyi snying po bsdus nas stong pa nyid du bsgom par bya'o//oM shu n+ya tA dz+nyA na badzra swa b+hA ba at+ma kou0f85haM/ zhes brjod nas/ slar yang smon lam rjes su dran nas rang gi lus gzugs brnyan tsam du rnam par bltas nas pad+ma dang zla ba'i steng du ma~M yig gi sa bon gyi 'od zer gyis rab tu bcug nas/ bdag nyid '
99b4 jam dpal gyi skur bsgom par bya'o//sku mdog ser po bshad pa'i phyag rgya 'dzin pa rin po che'i rgyan dang rin po che'i cod pan can/ g.yon pa ut+pal bsnams pa/ seng ge'i gdan la bzhugs shing spyi bor mi bskyod pa bzhugs pa/ zla ba'i gdan la zla ba'i 'od zer lta bu'i bdag nyid
99b5 bsgom par bya'o//de nas g.yas phyogs logs su su~M` yig gi sa bon las byung ba'i nor bzangs gzhon nu sna tshogs pa'i rin po che'i rgyan kyis mdzes shing / rin po che'i cod pan can/ chos thams cad kyi po ti cig mtshan na bzung nas thal mo sbyar ba sngon du 'gro bas bzhugs pa'o/ /g.yon
99b6 phyogs logs na gshin rje gshed sku mdog nag po hUM yig gi sa bon las byung ba zhal 'jigs shing phyag na tho ba bsnams pa/skra dmar ser gyen du brdzes pa/ sbrul gyi rgyan gyis brgyan pa'o/ /de nas g.yas dang g.yon phyogs logs su zla ba'i 'od dang nyi ma'i 'od dag go/ /shar la
99b7 sogs pa'i phyogs kyi cha la rnam par snang mdzad dang /rin chen 'byung ldan dang / 'od dpag med dang / don yod grub pa rnams so/ /me la sogs pa'i mtshams rnams su spyan ma dang / mA ma kI dang / gos dkar mo dang / sgrol ma rnams kyang ngo / /zhes so/ /de nas ye shes
100a1 sems dpa' bcug ste/mig la sogs pa byin brlabs dang / lus dang ngag dang yid byin gyis brlabs shing dbang bskur nas/ mchod pa dang bstod pa byas te/ spyi bor mi bskyod pas rgyas gdab po/ /de nas bsam gtan dang ldan pas sngags bzlas par bya'o/ /de la
sngags ni 'di'o/