98b4 'char ka'i nyi ma lta bus gti mug mun tshogs 'dir bcom nas/ /'gro tshogs 'di ni ngag dbang dpal gyi rol bar 'gro bar shog /brtan pa'i 'khor lo'i sgrub thabs slob dpon b+hA ba skan+d+has mdzad pa rdzogs so//[ ]@##/ /rgya gar skad du/ muk+ta
98b5 ke na s+thi ra tsakra sA d+ha naM/bod skad du/ tshig lhug pa'i brtan pa'i 'khor lo'i sgrub thabs/ 'phags pa 'jam dpal la phyag 'tshal lo/ /dpal ldan 'jam dpal rdo rje ste/ /skyob pa de la phyag 'tshal nas/ /byis pa rnams kyis rtogs bya'i phyir/ /'khor lo'i tshig 'di gsal
98b6 bar bri//rnal 'byor pa stan bde ba la nye bar 'dug ste/ bla ma dang / sangs rgyas dang / byang chub sems dpa' rnams nam mkha' la bzhugs par bsam ste/ de rnams la yid kyi rang bzhin las byung ba'i rnam pa sna tshogs pa'i mchod pa byas nas sdig pa bshags pa la sogs pa bya'o/ /
98b7 de nas sna tshogs pa'i gzung ba dang 'dzin pa sems tsam zhes spang bar byas nas rmi lam dang gzugs brnyan lta bur bdag nyid kyis nges par byas te/ gur gum lta bur dmar ba'i muHyig las skyes pa'i zla ba'i 'od zer dmar po las a la sogs pa'i dbyangs yig 'bar ba blta bar bya'o/ /
99a1 de'i steng du muHyig las skyes pa'i 'od zer dmar po can gyi zla ba'i dkyil 'khor la 'bar ba'i ka yig la sogs pa blta bar bya'o/ /de'i steng du muHyig las skyes pa 'phro zhing dri ma med pa'i ut+pal de'i ze'u 'bru la muHyig gis mtshan par bsams la/ de yongs su gyur pa
99a2 las gur gum lta bu'i gzhon nu zur phud lnga pa rgyan dang bcas shing /sgeg pa'i nyams dang ldan pa/ ral gri dang po ti bsnams pa'i ngag gi dbang phyug zla ba'i gdan la bdag nyid bsgom par bya'o/ /de'i thugs kar muHyig las skyes pa'i brtan pa'i 'khor lo rtsibs brgyad pa 'od kyi rang bzhin
99a3 can la 'bar ba'i a la sogs pas bskor ba/phyi rol du 'bar ba'i ka la sogs pa'i phreng bas bskor ba ste/ de'i lte ba la a yig go/ /shar gyi rtsibs la ra yig go/ /lho'i rtsibs la pa yig go/ /nub kyi rtsibs la tsa yig go/ /byang gi rtsibs la na yig go/ /me la sogs pa'i
99a4 mtshams rnams la yang ni//praHpany+tsa zhes pa'i yi ge rnams gur gum lta bu'i rnam par bsams la/ 'khor lo de'i 'od kyi tshogs kyis lus kyi nang gsal bar byas nas/ ba spu so so'i khung nas phyir byung ste/ phyogs bcu'i 'jig rten gyi khams gsal bar byas nas slar yang de
99a5 bzhin du de rnams ba spu'i khung bur phyi nas rab tu zhugs te lus kyi nang gsal bar byed par yun ring du rnam par bsam par bya ste/oM a ra pa tsa na muHzhes pa ni bzlas pa'i sngags so/ /brtan pa'i 'khor lo'i sgrub pa'i thabs/ /byas pa'i bsod nams gang bsags pa/ /de yis 'gro ba
thams cad ni/