CLOSE WINDOW

D3438
བོད་ཡིག

@##/ /rgya gar skad du/ s+thi ra tsakra sA d+ha naM/ bod skad du/ brtan pa'i 'khor lo'i sgrub thabs/ 'phags pa 'jam dpal la phyag 'tshal lo/ /dpal ldan dbyangs can ma lus pa yi 'khrul pa spangs te rab tu rgyas shing 'bar ba yi/ /'od zer dkar po gyen du 'phro zhing dri med gzugs can rgan yang byis pa'i cha lugs can//'bar ba'i ral gri phyag na bsnams shing 'phyar ba'i shes rab la ni gus par rab tu 'dud/ /brtan pa'i 'khor lo rin chen de ni bdag nyid rjes su dran phyir rab tu bri bar bya/ /kun mkhyen ye shes rgya mtsho ni/ /phyogs mtha' med par rab tu bsam/ / rab skrag sems can tshogs mang rnams/ /yang dag ye shes bskyab 'dod pas/ /yid bzhin nor bu'i sems 'byung ba'i/ /sna tshogs rnam pas de rnams mchod/ /'jig rten pa rnams bskyab pa'i phyir/ /bdag gi lus 'di dbul bar bgyi/ /de nas dge la mngon par spel phyir 'dir sngags pas//bdag ni 'jigs pas sdig pa thams cad bshags par bgyi/ /'gro ba'i dge ba rnams la dga' bas rjes yi rang / /dkon mchog gsum la bdag ni skyabs su nye bar mchi/ /yang dag sangs rgyas byang chub sems ni bdag gis gzung / /slar yang 'di yang brtsam par bya ste/gzung dang 'dzin pa spangs shing 'gro ba 'di ni rmi lam dang ni mig 'phrul lta bu ste/ /rnam par dag cing rang bzhin 'od gsal gyur pa de yang nam mkha' lta bur rnam par brten/ /bdag nyid kyang ni yid kyi rol pa dag tu brtags shing yang dag sdud par nges byas la/ /yang na muH yig 'od zer dra bas bskor ba de las byung ba dag ni bsgom par bya//de dag yongs su gyur las yongs rdzogs dkyil 'khor te/ /kha ba'i 'od zer gur gum 'de gus rab byugs pa/ /dbyangs yig 'bar ba'i phreng ba mnyam par rab tu 'khrigs/ /phyogs sgo gsal zhing 'bar bar rnam par bsam par bya//de nas slar yang muHyig sa bon las byung ba/ /'od kyi dkyil 'khor dmar po rab tu rnam bsgom bya/ /ka kha la sogs yi ge ma lus yang dag bskor/ /steng du shin tu 'od gsal gur gum lta bur dmar/ /de la yang ni sngags pas muHyig blta bar bya/ /de las byung ba'i yid 'ong 'bar ba'i 'dab ma ste//'bar ba'i ut+pal sngon po 'od kyi dra ba can/ /muHyig rnam pa'i sa bon dbus su rnam par bsam/ /de las byung ba'i 'od zer las ni sangs rgyas spros pas 'gro rnams rab tu 'gengs par byed/ /zla ba la gnas bung ba'i yan lag lta bu'i 'od zer shin tu 'bar ba'i lcang lo can//shin tu mthug pa'i mun pa rab 'thibs zhal gyi 'od zer dra bas 'joms shing med par byed/ /rnam kun mchog ni rab tu sbyin byed ched du byed pa'i dpal ldan dbyangs kyi dbang phyug ste/ /'gying dang sgeg pa'i nyams kyis mngon par rol byed pa/ / zhal gyi chu skyes 'dzum zhing rab tu bzhad gyur pa/ /dpa' bo gzhon nu'i rgyan ni rab tu 'chang ba po/ /de yi go 'phang thob par 'dod pas bsam par bya/ /de ltar ngag dbang rnam bsams nas/ /muHyig snying gar bsgom par bya/ /kha dog dmar po 'bar ba'i 'od/ /'byung zhing sgrol ma'i dkyil 'khor la//de las skyes pa'i rtsibs brgyad pa'i/ /'khor lo mi shes mun pa 'joms/ /sna tshogs 'od kyis dag par bya/ /ye shes rang bzhin khyab bdag blta/ /sprul pa'i nyi mas mtshan pa'i 'od/ /sgron ma gsal ba'i 'od tshogs 'dra/ /me tog dmar po'i rnam pa ltar/ /yi ge dmar po kun du bkram//de la re zhig 'khor lo'i rtsibs rnams su yi ge bsam par bya ste/ shar dang / lho dang / nub dang / byang phyogs rnams su go rims bzhin du a ra pa tsa'o/ /na yig ni lte bar ro/ /me dang bden bral dang / /rlung dang dbang ldan rnams su sngon ma bzhin du ni praHpany+tsA zhes so//de bzhin du bar bar rnams su a la sogs pa'i dbyangs kyi tshogs rnams dang phyi rol du ni ka yig la sogs pa'i gsal byed rnams so/ /'di mi g.yo bar nges par byas la phyis 'khor lo'i yi ge'i tshogs kyi 'od zer gyis sems kyi mun pa'i dkyil 'khor 'joms pa rang gi lus kyi ba spu'i khung bu rnams nas phyir byung ste/phyogs bcu'i 'jig rten gyi khams na bzhugs pa'i de bzhin gshegs pa rnams kyi thugs kyi ye shes kyi bdud rtsi dang lhan cig ro gcig tu mnyam par gyur nas/ de rnams slar log ste ba spu'i bu ga de nyid du rab tu zhugs nas rang gi lus po gsal bar byed par yun ring du bsam par bya'o//brtan pa'i sems kyis yang phyi nas spro ba dang bsdus pa'i rim pas ji srid mngon sum du ma gyur pa de srid du bsgom par bya'o/ /'jam dpal dang ni gnyis med go 'phang 'chang zhing yi ge dang bcas yid la 'dod byed pa/ /'dir ni 'khor lo gsal por nye bar bskor zhing nyin dang mtshan mo bsam gtan byed par mngon sbyor bas//de yis sngon ma mthong ba'i ngag gi rang bzhin grangs med rig pa'i tshogs ni ma lus de yang ni/ /ji ltar 'dod pas yid ni rab tu 'jug phyir nor bu'i 'od ltar rab gsal mun pa stug pa 'joms/ /'khor lo 'di ni phan par shes nas yid byed pa'i//ngo mtshar ched du yang ni rab tu brtag par gyis/ /yongs su brtags pas bde gshegs rang gi ngo bo nyid/ /ring por mi thogs par ni rab tu rtogs par 'gyur/ /gang 'dir 'khor lo rnam par bkod pa'i bsod nams ci skyes pa/ /bdag dang skye 'gro'i yid rnams 'khor lo de yis gsal bar shog /