90b5 /[ ]@##/ /rgya gar skad du/ mA yA dzA la kra ma Ar+ya a ba lo ki te shwa ra sA d+ha naM/ bod skad du/ sgyu 'phrul dra ba'i rim pa'i 'phags pa spyan ras gzigs dbang phyug gi sgrub thabs/ 'phags pa spyan ras gzigs dbang phyug la
90b6 phyag 'tshal lo//sngon du gsungs pa'i cho gas 'dir stong pa nyid du bsgoms nas nam mkhar raM yig las byung ba'i nyi ma/ de'i steng du hUM yig las byung ba'i sna tshogs rdo rje/ de yongs su gyur pa las rdo rje'i ra ba dang / rdo rje'i gur bsgom par bya'o/ /de'i dbus su mi bzad pa'i dur
90b7 khrod do//yang de'i dbus su pad+ma dmar po 'dab ma brgyad pa'o/ /yang de'i dbus su hUM yig sngon po las byung ba'i bcom ldan 'das 'phags pa spyan ras gzigs dbang phyug sku mdog nag po nyi ma'i dkyil 'khor la g.yon brkyang gis bzhugs pa/ zhal lnga pa/ spyan gsum pa/
91a1 phyag bcu gnyis pa'o/ /dkar po dang dmar po ni g.yas kyi zhal gnyis so/ /de bzhin du ser po dang ljang gu dag ni g.yon gyi zhal gnyis so/ /g.yas kyi phyag rnams kyis Da ma ru dang / kha T+wAM ga dang / lcags kyu dang / zhags pa dang / rdo rje dang / mda' rnams bsnams
91a2 pa/g.yon gyi phyag rnams kyis sdigs mdzub dang / thod pa dang / pad+ma dmar po dang / nor bu dang / 'khor lo dang / gzhu rnams bsnams pa/ zhal thams cad mche ba gtsigs pa/ phyag rgya drug dang ldan pa/ /mgo bo rlon pa'i phreng bas sku la brgyan pa/ gcer bu yan lag thams cad mdzes
91a3 pa'i bdag nyid du skad cig gis brtags la/snying gar zla ba'i dbus su hrIHyig la bskor ba'i oM AHhUM/ i ti mu ni ba ra badzra hrIHhUM dzaHzhes pa'i sngags kyis phreng ba'i rnam par bzlas par bya'o/ /'bum bzlas na mtshams med pa lnga byas pas kyang 'grub par 'gyur ro/ /sgyu 'phrul dra
ba'i rim pa'i 'phags pa spyan ras gzigs dbang phyug gi sgrub thabs so/