89b2 @##/ /rgya gar skad du/ rak+ta lo ke shwa ra sA d+ha naM/ bod skad du/ 'jig rten dbang phyug dmar po'i sgrub thabs/ 'phags pa spyan ras gzigs dbang phyug la phyag 'tshal lo/ /oM tsi Ti tsi na Ti/ bi klo li bi klo li/ a mu kaM sA d+ha na pA ri bA ram+me ba sha mA na ya swA hA/ sngon du bsnyen pa khri
89b3 bzlas nas phyi nas sgrub pa brtsam par bya'o//g.yas phyogs dang g.yon phyogs logs su sgrol ma dang khro gnyer can te lha mo gnyis bzhad pa'o/ /rje btsun 'phags pa spyan ras gzigs dbang phyug sku mdog dmar po phreng ba dang na bza' dmar pos brgyan cing phyag bzhi na zhags pa dang /
89b4 lcags kyu dang / gzhu dang / mda' bsnams pa sgeg pa'i nyams dang ro gcig pa'o/ /me tog dmar pos brgyan pa'i mya ngan med pa'i shing gi 'og tu 'dug nas bdag nyid thun mtshams gsum du bsgom par bya zhing tshwa yis yan lag byugs pa'i sbyin sreg brgya rtsa brgyad bya'o/ /nyi ma
89b5 bdun gyis bud med dam skyes pa dbang du 'gyur ro//nyi ma bdun pa gsum gyis skyes bu chen por 'gyur ro/ /tshwa dang lhan cig chang gis thum po byas nas bsgrub par bya ste/ gzugs brnyan sor bzhi'i tshad tsam byas nas seng ldeng gi me du ba med pa la thun mtshams gsum du bsro zhing sngags
bzlas pas ming gang yin pa de dbang du 'gyur ro/