CLOSE WINDOW

D3428
བོད་ཡིག

/[ ]@##/ /rgya gar skad du/ trai lo kya ba shaM ka ra lo ke shwa ra sA d+ha naM/ bod skad du/ 'jig rten gsum po dbang du byed pa'i 'jig rten dbang phyug gi sgrub thabs/ 'phags pa spyan ras gzigs dbang phyug la phyag 'tshal lo//dang po re zhig rnal 'byor pas yid dang mthun pa'i gnas su bris pa'i sku la sogs pa bkram ste/ de'i mdun du dbang chen gyi dkyil 'khor gyi dbus su gur gum gyis zla ba'i dkyil 'khor bya ste/ sngags 'dis so/ /oM badzra re khe hUM/ dzaHhUM baM pad+ma s+tha hoHsngags 'dis bzhugs su gsol nas maN+Dal gyi dbus su 'jig rten gsum po dbang du byed pa'i rje btsun 'jig rten dbang phyug sngags 'dis mchod par bya'o//oM trai lo kya ba shaM ka rA ya badzra puSh+pe hUM pra tIts+tsha swA hA/ oM mu ni badzra muHsngags 'dis gshegs su gsol lo/ /phyi nas rang gi snying gar AM yig bsam par bya'o//de yongs su gyur pa las nyi ma'i dkyil 'khor bskyed la/ de'i steng du nus pa'i sa bon hrIHdmar po skya reng gsar pa'i mdog lta bur bltas la/ de'i 'od zer gyis 'od dpag tu med pa nam mkhar spyan drangs nas mchod nas sdig pa bshags pa la sogs pa byas te/ yang rang gi lus la gzhug go /de rnams thams cad yongs su gyur pa las skad cig gis pad+ma'i steng du rdo rje skyil krung gis bzhugs pa/ spyan gsum rgyas shing ral pa'i cod pan 'chang ba/ sku mdog dmar po rdo rjes mtshan pa'i zhags pa dang / lcags kyu phyag na bsnams pa/ sa gsum po lug gnyis zhags pas bcings pa'i steng na bzhugs shing sna tshogs pa'i sprul pa 'chang ba/rnal 'byor ma'i tshogs kyis dbang bskur bar rab tu sbyin pa/ de bzhin du byang chub sems dpa' rgyan sna tshogs dang ldan pas mchod pa byed pa rig 'dzin dang / khyab 'jug dang /bde byed dang / tshangs pa dang / sna tshogs pa'i rnal 'byor ma'i tshogs kyis gar dang rol mo la sogs pa sna tshogs byed cing / 'byung po la sogs pa sna tshogs pas mi mgo dang thod pa'i phreng bas brgyan pa dang / de bzhin du sna tshogs pa'i gdugs dang rnga yab la sogs pa blta bar bya'o//de lta bu'i dus su de bzhin gshegs pa 'od dpag tu med pa spyi bor blta bar bya'o/ /de dang 'dra bar bdag nyid bsam par bya'o/ /phyi nas lte ba'i steng du nyi ma'i dkyil 'khor la 'od zer gyi rang bzhin bsams la/ de'i steng du g.yon phyogs su nus pa'i sa bon snying gar khro bo'i sa bon AHyig dbyangs yig gis brgyan pa zhes pa ni bsgom pa'i sngags so//de thams cad bsams la rdo rje'i bdag nyid kyi sngags brjod par bya zhing rdo rje'i bdag nyid du bsam par bya'o/ /oM shU n+ya tA dz+nyA na badzra swa b+hA wa At+ma kou0f85haM/ rdo rje'i bdag nyid kyi sngags so/ /'di la goms pa'i sbyor b as 'dar ba dang g.yo ba dbab par byas nas gnyis su med pa'i ye shes skye bar 'gyur ro//de lta bu'i rnal 'byor pa de glang po che smyon pa myos byed kyi chus myos pa bzhin du rigs lnga la longs spyod do/ /gal te rigs lnga la longs mi spyod na de'i tshe de'i lus 'dar ba dang g.yo ba dang 'bab pa la sogs pas mi gnas so//de ltar nges pas rigs lnga la longs spyod par bya'o/ /des 'grub par 'gyur ro/ /grub par gyur na gzhan gyi lus la yang 'dar ba dang g.yo ba dbab par byas pas 'dod chags dang zhe sdang la sogs pa 'gag par 'gyur ro/ /ji ltar grub pa'i dngul chus phug pas zangs ma'i nag po spangs pa de bzhin du lus po nyid kyang gnyis su med pa'i ros phug nas 'dod chags dang zhe sdang la sogs pa spong bar 'gyur ro//hrI hUM yAM bzlas pa'i sngags so/ /oM hrIHAHhA rI ti yak+She shwa ri swA hA/ 'phrog ma'i sngags so/ /oM A kroM hrI sa ka la gA nA bI rA bI re shwa rI NAM pa ri ka raiHa a a ba ta ra/a ba ta ra a ba ta ran tu da sha di ka lo ka pA la i daM ba liM gr-ih+Na gr-ih+Na hUM swA hA/ gtor ma'i sngags so/ /o Di yA na nas byung zhing sa ra ha'i zhabs kyis gdan drangs pa 'jig rten gsum dbang du byed pa'i 'jig rten dbang phyug gi sgrub thabs rdzogs so// //