CLOSE WINDOW

D3426
བོད་ཡིག

khyab 'jug gi phrag pa la yang dag par bzhugs pa'i bdag nyid bsgom par bya'o/ /oM hrIHhUM zhes pa'i sngags bzlas par bya'o/ /ha ri ha ri ha ri la zhon par gyur pa'i sgrub thabs rdzogs so/ /[ ]@##/ /rgya gar skad du/ ha ri ha ri ha ri bA ha nod+b+ha bA sA d+ha naM/ bod skad du/ ha ri ha ri ha ri la zhon par gyur pa'i sgrub thabs/'phags pa spyan ras gzigs dbang phyug la phyag 'tshal lo/ /dang por re zhig sngags pas stan bde ba la 'dug ste/ 'gro ba rnams mngon par gdon par 'dod pa'i bsam pas sdig pa bshags pa la sogs pa bla na med pa'i mchod pa rnam pa bdun byas nas/yaM yig rdzogs pa las rlung gi dkyil 'khor gzhu'i rnam pa lta bu kha dog sngon po ba dan gyis mtshan pa'o/ /de'i steng du raM yig las gyur pa'i me'i dkyil 'khor zur gsum pa kha dog dmar po raM yig gis mtshan pa'o/ /de'i steng du baM yig rdzogs pa las chu'i dkyil 'khor zlum po kha dog dkar po dbus su bum pa dkar pos mtshan pa'o//de'i steng du laM yig las byung ba'i dbang chen gyi dkyil 'khor gru bzhi pa kha dog ser po zur bzhi por rdo rje rtse gsum gyis mdzes par byas pa'o/ /de'i steng du suM yig yongs su gyur pa las rin po che sna bdun gyi rang bzhin lcog brgyad dang ldan pa'i ri rab dang sna tshogs chu skyes so//de'i steng du bdag nyid bsams te/ oM hrIHhUM rim pa bzhin du spyi bo dang / mgrin pa dang / snying ga rnams su rim par bkod nas bdag gis thog ma med pa'i dus nas bsags pa'i las kyi sgrib pa dang bral nas ha ri ha ri ha ri la zhon par gyur pa'i 'jig rten dbang phyug gi sku gser gyi kha dog lta bu 'od zer 'bar ba 'khrigs pa gzhon nu'i gzugs su sngags pas bsgom par bya'o//phyi nas rang gi snying gar bsod nams dang ye shes rnam par dag pa'i phyir zla ba'i dkyil 'khor dang / nyi ma'i dkyil 'khor ro//de la hrIHyig las byung ba'i 'od zer gyi dra bas ye shes sems dpa' bkug ste 'chad par 'gyur ba'i sku la sngon du gsungs pa'i mchod pas mchod par bya'o/ /ye shes sems dpa' dang dam tshig sems dpa' dag gcig tu gyur nas bcom ldan 'das ha ri ha ri ha ri la zhon par gyur pa'i 'jig rten dbang phyug tu sems brtan pos bdag nyid bsgom par byas te/phyag drug pa sku mdog dkar po ral pa'i cod pan dang zhi ba'i cha lugs can/ phyag g.yas pas rdzogs pa'i sangs rgyas dpang por mdzad pa/ gnyis pa na phreng ba bsnams pa/ gsum pas ngan song na gnas pa'i sems can la dge ba ston par mdzad pa/g.yon pas dbyug pa bsnams pa/ gnyis pas ri dwags nag po'i pags pa bsnams pa/ gsum pa na ril ba spyi blugs bsnams pa'i bcom ldan 'das bsgom par bya'o/ /de la rnam par dag pa ni rlung dang me'i dkyil 'khor dag ni seng ge'o//chu'i dkyil 'khor ni nam mkha' lding ngo / /dbang chen gyi dkyil 'khor dang ri rab ni 'phrog byed rnam par dag pa'o/ /rtag tu sgom par byed pa'i rnal 'byor pas sems can thams cad gyi don byed nus par 'gyur ro/ /skye 'gro thams cad dga' bar 'gyur ro//shes rab chen por 'gyur ro/ /nad med par 'gyur ro/ /nye bar 'tshe ba med par 'gyur ro/ /nor la sogs pa dang ldan par 'gyur ro/ /dbang du byed pa dang dug gi las la nus pa chen po dang ldan par 'gyur ro/ /sngags bzlas pa ni bla ma'i gdams ngag las shes par bya'o/ /