86b4 de nas sngags bzlas par bya'o/ /oM hrIHpad+ma narte shwa ra hUM/ 'jig rten mgon po pad+ma gar gyi dbang phyug gi sgrub thabs rdzogs so//[ ]@##/ /rgya gar skad du/ pad+ma narte shwa ra sA d+ha naM/ bod skad du/ pad+ma gar gyi dbang phyug gi sgrub thabs/ pad+ma gar gyi dbang
86b5 phyug la phyag 'tshal lo//sngon du gsungs pa'i cho gas stong pa nyid bsgoms te/ de nas sna tshogs pad+ma la gnas pa'i zla ba'i steng du hrIHyig dkar po rnam par bsgoms te/ de yongs su gyur pa las pad+ma gar gyi dbang phyug gi rigs rje btsun 'phags pa spyan ras gzigs dbang phyug gi
86b6 bdag nyid bsgom par bya ste/zhal gcig phyag bco brgyad pa skyil krung phyed pas bzhugs pa/ 'od dpag tu med pa dang ral pa'i thor tshugs kyis brgyan pa/ phyag thams cad kyis sna tshogs pad+ma bsnams pa rnal 'byor ma'i tshogs kyis yongs su bskor ba'o/ /lho dang byang phyogs logs na
86b7 gnas pa'i sgrol ma dang /nor bzangs dang / khro gnyer can dang / rta mgrin rnams te/ lha'i rgyan dang gos kyis brgyan pa'o/ /de nas sngags bzlas par bya ste/ oM hrIHpad+ma narte shwa ra hUM/ nad la sogs pa nye bar zhi ba'i mthu chen po zhes pa ni pad+ma gar gyi dbang phyug gi sgrub thabs rdzogs so// //