CLOSE WINDOW

D3423
བོད་ཡིག

@##/ /rgya gar skad du/ pad+ma narte shwa ra sA d+ha naM/ bod skad du/ pad+ma gar gyi dbang phyug gi sgrub thabs/ 'phags pa spyan ras gzigs dbang phyug la phyag 'tshal lo/ /sngon du gsungs pa'i cho ga 'dis sna tshogs pad+ma dang zla ba la hrIHyig dmar po yongs su gyur pa las pad+ma gar gyi dbang phyug tu bdag nyid bsgom par bya ste/sems dpa'i skyil krung gis bzhugs pa/ phyag gnyis pa/ zhal gcig pa/ sku mdog dmar po rgyan thams cad kyis brgyan pa/ 'od dpag tu med pa'i cod pan can/ g.yon phyogs su gos dkar mo dang snyoms par zhugs shing 'khyud pa'i tshul gyis bzhugs pa/phyag g.yon na pad+ma dmar po bsnams pa/ gzhan phyag g.yas pa na gar gyi tshul gyis khab kyi phyag rgyas pad+ma kha 'byed pa'o/ /de nas oM kA ya bAka tsit+ta badzra swa b+hA wa At+ma kou0f85haM zhes pa'i sngags brjod par bya'o/ /de'i rjes su phyogs mtshams brgyad du lha mo brgyad bsam par bya'o/ / de la pad+ma dmar po 'dab ma brgyad pa'i shar gyi 'dab ma la rnam par gzigs ma dkar mo pad+ma dmar po bsnams pa'o/ /lho'i 'dab ma la sgrol ma ljang gu pad+ma ljang gu bsnams pa'o/ /nub kyi 'dab ma la dbang phyug ma ser mo 'khor lo dang pad+ma bsnams pa'o/ /byang gi 'dab ma la khro gnyer can dkar mo pad+ma ser po bsnams pa'o//shar gyi mtshams kyi 'dab ma la pad+ma'i gnas can ser mo btsod kyi kha dog lta bu'i pad+ma bsnams pa'o/ /lho'i mtshams kyi 'dab ma la rdo rje pad+ma'i dbang phyug ma nam mkha'i mdog lta bu pad+ma dkar po bsnams pa'o/ /nub kyi mtshams kyi 'dab ma la sna tshogs pad+ma dkar mo pad+ma nag po bsnams pa'o//byang gi mtshams kyi 'dab ma la sna tshogs rdo rje ma kha dog sna tshogs pad+ma bsnams pa'o/ /de rnams thams cad sems dpa'i skyil krung can phyag gnyis pa/ zhal gcig pa zhi ba'o/ /ze'u 'bru'i dbus su bcom ldan 'das lta bu'o/ /