84b1 pad+ma dmar po dang zla ba la rol pa'i stabs kyis bzhugs pa'i bcom ldan 'das bsgom par bya'o/ /de nas sngags bzlas par bya ste/ oM badzra d+harma hrIHzhes so/ /'jig rten dbang phyug hA la hA la'i sgrub thabs rdzogs so//[ ]@##/ /rgya gar skad du/ hA la hA la sA d+ha naM/ bod
84b2 skad du/hA la hA la'i sgrub thabs/ bcom ldan 'das hA la hA la la phyag 'tshal lo/ /bsam pa thams cad yongs rdzogs pa'i/ /hA la hA lar gus phyag 'tshal/ /snying rje yi ni bdag nyid can/ /de yi sgrub thabs mdor bsdus brjod/ /dang po yid du 'ong ba'i gnas su tsan+dan la
84b3 sogs pas legs par byugs la/ras ris la sogs pa bkram ste/ bcom ldan 'das la mchod par bya'o/ /me tog la sogs pa 'bul ba'i sngags ni/ oM badzra puSh+pe hUM/ oM badzra d+hU pe hUM/ oM badzra dI pe hUM/ zhes pa la sogs pas so/ /oM sarba ta thA ga tA pU dza me g+ha pra sa ra
84b4 sa mU hi s+pha ra Na hi maM ga ga na kaM hUM/mchod pa thams cad dbul ba'i sngags so/ /rab tu mchod bya de yi mdun/ /bde ba'i stan la 'dug byas nas/ /'gro la byams pa rnam par bsgom/ /snying rje dang ni brtse chen po/ /sngags pas snying gar zla ba'i steng / /hrIHyi yi ge dgod par bya/ /
84b5 sangs rgyas sras bcas gsal por ni/ /kun nas nam mkha' gang bar bsgom/ /hrIHyig 'od zer mchod pas ni/ /de la bskor zhing rab tu mchod/ /sdig pa bshags pa la sogs bya/ /bsod nams 'phel bar bya ba'i phyir/ /dkon mchog gsum mchog skyabs 'gro sogs/ /
84b6 sngags 'di dag ni brjod par bya/ /chos kun bdag med pa yi mchog /'od gsal snying rje dri ma med/ /oM swa b+hA wa shud+d+haHsarba d+harmAHswab+hA wa shud+d+hou0f85haM/ zhes pa'i sngags don mngon du bya/ /dngos po kun dang bdag nyid bcas/ /gzung dang 'dzin las nges par grol/ /ye shes cha
84b7 tsam bsgom par bya//so so rang rig de bltas nas/ /hrIHyig zla ba la gnas pa/ /de skyes pad+ma dkar po bsam/ /hrIHyig dang bcas pa pad+ma las/ /de las sangs rgyas tshogs spros te/ /'gro ba rnams kyang sangs rgyas bya/ /slar yang de la bcug gyur pas/ /rang byung hA la hA la
85a1 ste//zhal gsum phyag drug zhi ba'i tshul/ /rin chen mi g.yo'i phug na bsten/ /pad+ma dmar dang zla ba la/ /rol pa'i stabs kyis yang dag bzhugs/ /dkar po ser po sngon po che/ /rtsa zhal g.yon pa cig shos so/ /stag gi pags pa'i na bzar ldan/ /
85a2 rgyan rnams kun gyis shin tu mdzes/ /phyag g.yas mchog sbyin phreng ba mda'/ /g.yon pas 'dod ldan nu ma 'dzin/ /pad+ma dkar dang gzhu dag ni/ /phyag gi yal ga dag gis bsnams/ /sna tshogs me tog gis bkang ba'i/ /thod pa g.yon par dgod par bya/ /sbrul gyis dkris pa'i
85a3 rtse gsum g.yas//chu skyes steng du de bzhin dgod/ /gtsug gi nor bu 'od dpag med/ /thod pa rnams kyis zur phud byas/ /ral pa'i tshogs kyi cod pan can/ /dbu la zla ba phyed pas brgyan/ /rtog pa'i dra ba rnam bcom pa'i/ /sangs rgyas rnams kyi 'od zer 'phro/ /'di yis hA la hA
85a4 lar gyur//rang gi snying mgrin spyi bor yang / /hUM AHoM rnams bsgom par bya/ /zla bar gnag dmar dkar po'i rim/ /de bzhin snying ga mgrin pa'i dbus/ /hrIHyig zla ba la gnas pa/ /de nas brtan g.yo'i dngos po rnams/ /de yi rnam par bsgom par bya/ /log pa'i rnam rtog nges
85a5 spangs shing //sngags bzlas nas ni mnyam par gzhag /oM hA la hA la hrIHnang gi bzlas pa shin tu gsal/ /dal ba ma yin myur ba min/ /ji ltar bde bar gnas par bya/ /bsdus nas so so'i mchod pa dang / /yang dag bstod cing brtan byas la/ /yi ge brgya pa brjod par bya/ /oM
85a6 badzra satwa sa ma ya ma nu pA la ya/badzra satwa twe no pa tiSh+Tha dr-i D+ho me b+ha ba/ su toSh+yo me b+ha ba/ su poSh+yo me b+ha ba/ a nu rak+to me b+ha ba/ sarba sid+d+him+me pra yats+tsha sarba karma su tsa me tsit+taM shre yaHku ru hUM/ ha ha ha ha hoH/ b+ha ga bAn sarba ta thA ga ta badzra mA me muny+tsa badzrI b+ha ba ma hA sa ma ya satwa AH/ oM sems
85a7 can kun gyi don mdzad khyod//ji ltar rjes 'jug dngos grub stsol/ /sangs rgyas yul du gshegs nas kyang / /slar yang byon par mdzad du gsol/ /'di yis yang dag bskul byas nas/ /sngags 'di dag ni brjod par bya/ /oM a kA ro mu khaM sarba d+harmA NAM A d+ya nut+pa na na twA ta muHzhes so/ /
85b1 rnal 'byor bdag nyid bsam gtan langs/ /sbyin pa rang gis ci grub gtang / /ma lus rtog pa dang bral bas/ /gzugs sogs 'dod pa spyod byed pa/ /bla med byang chub thob 'gyur te/ /ring por mi thogs sgrub pa'i mchog /sgrub thabs bris pas gang thob pa/ /bdag gi dge ba'i
mchog de yis/