83b1 @##/ /rgya gar skad du/ shrI siM ha nA da sA d+ha naM/ bod skad du/ dpal seng ge sgra'i sgrub thabs/ dpal ldan seng ge sgra la phyag 'tshal lo/ /nad kun 'joms byed bla ma ste/ /seng ge sgra la phyag 'tshal lo/ /rnal 'byor bsgoms pa tsam gyis ni/ /sdig pa kun
83b2 las grol bar 'gyur//dang po re zhig kha bsang ba la sogs pa byas te/ gos gtsang ma gon nas sa gzhi gtsang mar stan bde ba la nye bar 'dug ste/ rang gi snying gar zla ba la hrIHyig bsgom par bya'o/ /de'i 'od zer gyis de bzhin gshegs pa thams cad gdan drangs te/ mchod
83b3 pa byas nas sdig pa bshags pa la sogs pa bya'o//de nas byams pa dang snying rje dang / dga' ba dang / btang snyoms rnams rnam par bsgoms te/ rang bzhin gyis dag pa'i sngags brjod pa sngon du 'gro bas stong pa nyid bsgom par bya'o/ /oM swa b+hA wa shud+d+haHsarba d+harmAHswa b+hA wa
83b4 shud+d+hou0f85haM/oM shU n+ya tA dz+nyA na badzra swa b+hA wa At+ma kou0f85haM zhes so/ /de nas rang gi lus sgra brnyan dang 'dra bar bltas nas raM yig dmar po yongs su gyur pa las pad+ma dmar po 'dab ma brgyad pa'i steng du A yig yongs su gyur pa las/ seng ge dkar po/ de'i steng du hrIHyig de'i 'od zer gyis d
83b5 e bzhin gshegs pa rnams gdan drangs shing /bdag nyid la bcug nas 'jig rten dbang phyug seng ge sgra bsgom par bya'o/ /sku mdog dkar po spyan gsum pa/ ral pa'i cod pan gyis brgyan pa/ stag gi pags pa'i na bza' bsnams pa/ seng ge dang zla ba'i gdan la rgyal po
83b6 rol pa'i stabs kyis bzhugs pa/zla ba'i 'od lta bu bsgom par bya'o/ /phyag g.yas na sbrul dkar pos dkris pa'i rtse gsum dkar po'o/ /phyag g.yon na pad+ma langs pa'i steng na ral gri 'bar ba'o/ /g.yon na me tog dri zhim po sna tshogs pas gang ba'i pad+ma'i snod do/ /rang gi lus las
83b7 de bzhin gshegs pa lnga 'phro bar blta'o//de nas rang gi snying ga'i sa bon gyis ye shes sems dpa' bkug cing bcug nas de bzhin gshegs pa rnams 'phro zhing bdag nyid la dbang bskur nas/ 'od dpag tu med pas dbu brgyan cing / rgyas btab par bsam par bya'o/ /de nas sngags
84a1 bzlas par bya'o//lha rnams kyi gzungs kyis so/ /de la sngags 'di'o/ /oM AHhrIHsiM ha nA da hUM phaT swA hA/ de nas mchod pa'i phyir dri bzangs la sogs pa'i maN+Dal byas la me tog la sogs pa dbul zhing mchod par bya'o/ /yang phreng ba'i sngags bzlas par
84a2 bya'o//na mo rat+na tra yA ya/ na ma Ar+yA ba lo ki te shwa rA ya/ bo d+hi satA ya/ ma hA satwa ya/ ma hA kA ru Ni kA ya/ tad+ya thA/ oM a ka Te/ bi ka Ti/ ni ka Te/ ka TaM ka Te/ ka ro Te/ ka ro TaM/ bId+ya swA hA/ sngags 'dis maN+Dal gyi gzugs bzung nas/ lan nyi shu rtsa gcig bzlas nas/ nad pa
la byugs na 'tsho bar 'gyur ro/