82b7 [ ]@##/ /rgya gar skad du/ Ar+yA siM ha nA da sA d+ha naM/ bod skad du/ 'phags pa seng ge sgra'i sgrub thabs/ rje btsun seng ge sgra la phyag 'tshal lo/ /dang po re zhig sngags pas kha bsang ba la sogs pa byas nas stan bde ba la 'dug
83a1 te/rang gi snying gar zla ba'i dkyil 'khor la hrIHyig dkar po bltas nas/ de'i 'od zer gyis mdun du bla ma dang / sangs rgyas dang / byang chub sems dpa' rnams gdan drangs par bsgoms nas/ de nas mchod pa dang / sdig pa bshags pa la sogs
83a2 pa byas nas/stong pa nyid bsgom par bya'o/ /oM shU n+ya tA dz+nyA na badzra swa b+hA wa At+ma kou0f85haM zhes pa 'dis byin gyis brlab par bya'o/ /de nas skad cig gis paM yig yongs su gyur pa las pad+ma dmar po/ de'i steng du siM yig yongs su gyur pa las seng ge dkar po'o/ /de'i steng du zla ba l
83a3 a hrIHyig las byung ba'i 'jig rten dbang phyug seng ge sgra'i skur bdag nyid bsgom par bya'o//sku mdog dkar po ral pa'i cod pan can/ 'od dpag tu med pas dbu brgyan pa/ spyan gsum pa/ phyag gnyis pa/ dka' thub kyi tshul 'dzin pa'o/ /rgyal po chen po rol pas
83a4 bzhugs pa/phyag g.yon pad+ma langs pa'i steng du ral gri 'bar ba/ g.yas na sbrul dkar pos dkris pa'i rtse gsum dkar po/ g.yon na dri zhim po'i me tog sna tshogs pas bkang ba'i thod pa dkar po'o/ /de bzhin gshegs pa lnga 'phro zhing sprul pa chen po skur bsgom par bya'o/ /
83a5 bzlas pa'i sngags ni/ oM AHhrIHsiM ha nA da hUM phaT/ de nas gzungs bzlas te/ na mo rat+na tra yA ya/ na ma Ar+yA ba lo ki te shwa rA ya/ bo d+hi satwA ya/ ma hA sa twA ya/ mahA kA ru Ni kA ya/ tad+ya thA/ oM a ka Te/ bi ka Te/ ni ka Te/ ka TaM ka Te/ ka ro Te/ ka ro TaM/ bI d+ya swA hA/ sngags
83a6 'di brjod nas bcom ldan 'das kyi mdun du nam langs pa dang /sa la ma lhung ba'i ba'i lci ba la maN+Dal brgyad byas nas maN+Dal so so la lan bcu gsum bzlas par bya'o/ /lci ba lhag ma la lan bdun mngon par bsngags nas nad pa la byug par bya'o/ /des nad thams cad nye bar zhi bar
83a7 'gyur ro//nyi ma bdun nam/ nyi ma bcu gsum mam/ nyi shu rtsa gcig de bzhin du byas pas mtshams med pa lnga byed pas kyang 'grub par 'gyur ro/ /gal te de'i tshe ma grub na ngas mtshams med pa lnga byas par 'gyur ro/ /seng ge sgra'i sgrub thabs rdzogs so// //