74a1 @##/ /rgya gar skad du/ khar+sa pA Ni sA d+ha naM/ bod skad du/ khar+sa pA Ni'i sgrub thabs/ khar+sa pA Ni la phyag 'tshal lo/ /mngon 'dod 'bras ster 'od gsal dpal gyi dpag bsam shing / /bde gshegs tshul gyi lam chen 'jug nas ded dpon mdzad/ /srid zhi'i ngos
74a2 mnyam dngos po kun gyi ngo bo nyid//de 'dir chu skyes phyag gis 'gro rnams sdig pa zhi mdzad do/ /snga bar kha sogs dag byas nas/ /'jam zhing yangs pa'i stan la 'dug /bdag nyid dben par cho ga 'dis/ /snying gar zla ba'i sa bon 'od/ /rang gi snying gar bsgom par bya/ /zla ba
74a3 gang ba'i 'od zer 'phro//de yi 'od zer rtse mos bskul/ /yang dag gdan drangs mkha' la 'phags/ /dpal mgon khar+sa pA Ni dang / /bla ma sangs rgyas de sras tshogs/ /mchod sprin sa bon las byung ba'i/ /sna tshogs rnams kyis mchod par bya/ /de nas mngon par phyag 'tshal
74a4 zhing //sdig pa bshags pa la sogs bya/ /gang zhig shin tu thog ma med pa nas/ 'khor bar 'khor ba'i tshe bdag gis mi dge ba bgyis pa dang / bgyid du stsal ba dang / bgyis pa la rjes su yi rang ba de thams cad bcom ldan 'das kyi mdun du bdag gis bshags par bgyi'o/ /
74a5 rdzogs sangs rgyas dang sras dang 'phags/ /gzhan yang gang zhig dge mdzad pa/ /de la nges par rjes yi rang / /yang dag rdzogs pa'i byang chub bsngo/ /snying rje'i rang bzhin mchog gyur pa'i/ /sangs rgyas la ni skyabs su mchi/ /chos kun rgyun mi 'chad par ni/ /gcig tu dga'
74a6 gzugs chos dang ni//rab dga' la sogs sa la bzhugs/ /byang chub sems dpa'i tshogs de bzhin/ /mya ngan 'da' bar bzhed rnams la/ /sangs rgyas gzhan la phan pa'i phyir/ /yun ring rnams su bzhugs par yang / /bdag gis gsol ba gdab par bgyi/ /sgrib pa
74a7 thams cad rtsad nas zad byed pa'i//rgyur gyur byang chub sems ni bdag gis bskyed/ /bde gshegs sras dang bcas pa'i lam la yang / /rnam dag bsam pas yang dag bsten par bgyi/ /g.yo dang mi g.yo'i 'gro 'di ma lus rnams/ /gcig dang du bral stong pa nyid ces bsam/
74b1 oM shU n+ya tA dz+nyA na badzra swa b+hA wa At+ma kou0f85haM zhes pas stong pa nyid du byin gyis brlab par bya/ byin rlabs rang bzhin rnam par dag pa 'dis/ /chos kun de bzhin bdag med blta bar bya/ /oM swa b+hA wa shud+d+haHsarba d+harmAHswa b+hA wa shud+d+hou0f85haM zhes brjod par bya'o/ /de nas bdag nyid rnam par shes pa tsam d
74b2 u bsgoms nas/sngon gyi smon lam gyis bskul nas paM yig yongs su gyur pa las sna tshogs chu skyes la aM yig las skyes pa'i zla ba gang ba'i dkyil 'khor dri ma med pa de'i steng du hrIHyig shin tu 'od gsal zhing 'od zer gyi tshogs 'phro bas nam mkha'i khams khyab pa rnam par bsgom par
74b3 bya'o//de yongs su gyur pa las rang gi sa bon ze'u 'bru dang / sdong bus brgyan pa'i chu skyes kha 'bus pa blta bar bya'o/ /'dir de rnams thams cad yongs su gyur pa las bdag nyid bcom ldan 'das su bsgom par bya'o/ /bsil zer bye ba'i 'od kyis dkar ba'i sku'i dbu la
74b4 ral pa'i cod pan dang /'od dpag tu med pas brgyan pa/ sna tshogs pad+ma dang zla ba'i dkyil 'khor la skyil krung phyed pas bzhugs pa/ sku la rgyan thams cad kyis brgyan pa/ zhal 'dzum zhing lo brgyad gnyis lon pa lta bu phyag g.yas pa mchog sbyin/ phyag g.yon na sdong
74b5 bu dang bcas pa'i chu skyes bsnams pa/phyag nas bdud rtsi'i rgyun 'bab pa la sred pa can rnams pre ta 'og nas steng du kha gdangs shing / lto ba che zhing shin tu rid pa kha dog gnag pa khab kyi kha can rnams tshim par mdzad pa dpal ldan gru 'dzin gyi ri la bzhugs pa/ snying rje'i
74b6 snum mdangs dang ldan zhing sgeg pa'i nyams dang ldan pa/shin tu zhi ba rgyan sna tshogs pas brgyan pa/ de'i mdun du sgrol ma/ g.yas phyogs logs na nor bzangs gzhon nu'o/ /de la sgrol ma ljang gu/ phyag g.yon pa na sdong bu dang bcas pa'i ut+pa la bsnams pa/ phyag
74b7 g.yas pa mchog sbyin brkyang pa/sna tshogs pa'i rgyan gyis brgyan pa/ lang tsho dar la nu ma rgyas pa'o/ /nor bzangs gzhon nu thal mo sbyar zhing gser mdog ltar gsal ba/ gzhon nu'i tshul 'dzin pa/ phyag g.yon na po ti dang bcas shing rgyan thams cad dang ldan pa'o/ /
75a1 rgyab na khro gnyer can no/ /g.yon na rta mgrin no/ /de la khro gnyer can phyag bzhi pa gser mdog lta bu/ ral pa'i tshogs dang ldan pa/ phyag g.yon na dbyu gu rtse gsum dang spyi blugs bsnams pa/ phyag g.yas phyag 'tshal ba'i tshul dang / bgrang
75a2 phreng bsnams pa/spyan gsum dang ldan pa'o/ /rta mgrin ni sku mdog dmar po thung zhing lto ba 'phyang ba/ skra dmar ser gyen du 'bar ba/ sbrul gyi se ral khar byas pa/ sma ra ser pos zhal gyi dkyil 'khor brgyan pa/ spyan gsum dmar zhing zlum pa/ smin mtshams su khro gnyer
75a3 bsdus pa/stag gi pags pa'i na bza' can/ dbyug pa'i mtshan ma dang ldan zhing phyag g.yas pa phyag 'tshal ba'i tshul dang ldan pa'o/ /de rnams thams cad rang gi gtso bo'i zhal nas bskul zhing blta ba ji ltar mdzes pa bzhugs par bsgom par bya'o/ /de nas rang gi snying ga'i sa bon
75a4 las zla ba'i dkyil 'khor gyi steng du hrIHyig rnam par bsgom par bya'o//de bas 'od zer rnam pa sna tshogs pa 'phros te/ khams gsum khengs nas sems can thams cad 'jig rten dbang phyug gi go 'phang la bkod nas slar yang de bzhin du 'od zer sa bon gyi yi ge la gzhug par bya'o/ /
75a5 yang de'i 'od kyis ye shes sems dpa' spyan drangs la/ dam tshig sems dpa' dang lhan cig tu 'o ma dang chu 'dres pa bzhin du gzugs gcig tu bsgom par bya'o/ /de nas lus ngag yid gsum rnam par dag pa'i phyir rim pa ji lta ba bzhin du spyi bor oM yig dkar po/ /mgrin par AH
75a6 yig dmar po//snying gar hUM yig nag po bsgom par bya'o/ /'dir yang rgyun mi 'chad par 'od zer gyi dra ba mtha' yas pa byung ste/ sems can gyi phung po ma lus pa'i sdig pa yang dag par 'joms pa bsgom par bya zhing ji ltar nus par spro bar bya'o/ /mkhas shing 'dzin pa'i
75a7 shes rab dang //skal bzang nad med phun sum tshogs/ /sgom pa'i sbyor bas thob 'gyur te/ /brtson 'grus ldan pas mngon sum byed/ /bsgoms pas ngal na sems rtse gcig pas sngags bzlas par bya'o/ /de la sngags ni 'di'o/ /oM hrIHswA hA/ 'di'i kha dog ston
75b1 ka'i skar ma'i phreng ba dri med ltar//rab tu 'od gsal dpag tu med pa'i 'od zer 'phro ba can/ /bzlas pas skyo bar gyur na bsod nams yongs su bsngos nas ldang / /lha yi nga rgyal dang bcas ci bde bar ni gnas par bya/ /dpal ldan 'jig rten dbang phyug gi/ /sgrub thabs cho ga 'di
byas pa'i/