59b7 bcom ldan 'das nyid kyis gsungs pa rdzogs so/ /paN+Di ta don yod rdo rje dang / khams pa lo tsA ba dge slong ba ris bsgyur cing zhus so//[ ]@##/ /rgya gar skad du/ mA yA dzA la kra ma a ba lo ki te shwa ra sA d+ha naM/ bod skad du/ sgyu 'phrul dra ba'i rim pa'i spyan
60a1 ras gzigs dbang phyug gi sgrub pa'i thabs/'phags pa spyan ras gzigs dbang phyug la phyag 'tshal lo/ /sngon du bstan pa'i cho gas stong pa nyid bsgom pa'i rjes su/ nam mkha' la raM las byung ba'i nyi ma'i dkyil 'khor la hUM de yongs su gyur pa las/
60a2 sna tshogs rdo rje rgya gram/ de yongs su gyur pa las rdo rje'i ra ba dang rdo rje'i gur yang ngo / /de'i nang du mi bzad pa'i dur khrod rnam par bsgoms nas/ de'i dbus su pad+ma dmar po 'dab ma brgyad pa/ de'i dbus su hrIHlas byung ba'i bcom ldan 'das 'phags pa spyan ras
60a3 gzigs dbang phyug mdog nag po/nyi ma'i dkyil 'khor la g.yon brkyang ba'i zhabs kyis gnas pa bsam par bya'o/ /zhal lnga pa spyan gsum pa/ phyag bcu gnyis pa'o/ /dkar po dang dmar po ni/ g.yas kyi zhal gnyis so/ /de bzhin du ser po dang / ljang gu ni g.yon
60a4 gyi zhal gnyis so//g.yas kyi phyag na rnge'u chung dang / kha T+wAM ga dang / lcags kyu dang / zhags pa dang / rdo rje dang mda' bsnams pa'o/ /g.yon na sdigs mdzub dang / thod pa dang / pad+ma dmar po dang / nor bu dang / 'khor lo dang / gzhu bsnams pa'o/ /zhal thams
60a5 cad mche ba gtsigs pa/phyag rgya drug dang ldan pa/ sku la mgo bo rlon pa'i phreng bas brgyan pa/ gcer bu g.yon brkyang ba'i zhabs kyis bzhugs pa/ yan lag thams cad mdzes pa'i bdag nyid du skad cig gis rab tu brtags la/ snying gar zla ba'i dbus su hrIHyig
60a6 gnas pa'o//oM AHhUM i ti mu ni bar badzre hrIHhUM dzaH/ zhes bya ba'i sngags phreng ba'i rnam pa can du bzla bar bya'o/ /mtshams med pa rnam pa lnga byas pa yang 'bum phrag gcig bzlas pas 'grub par 'gyur ro/ /sgyu 'phrul dra ba'i rim pa'i 'phags pa spyan ras gzigs
60a7 dbang phyug gi sgrub thabs/slob dpon dgra las rnam par rgyal bas mdzad pa rdzogs so// //paN+Di ta don yod rdo rje dang / khams pa lo tsA ba dge slong ba ris bsgyur ba'o// //