59a1 @##/ /rgya gar skad du/ su klA tA rA sA d+ha naM/ bod skad du/ sgrol ma dkar mo'i sgrub thabs/ bcom ldan 'das ma sgrol ma la phyag 'tshal lo/ /dkar po'i las ni nyer sgrub pa'i/ /sgrol ma dkar mo la btud nas/ /ting nge 'dzin 'byung gdams ngag gis/ /rnyed pa'i sgrub thabs
59a2 de brjod bya//dang po re zhig sngags pas yid dang mthun pa'i gnas su/ bde ba'i gdan la rdo rje skyil mo krung bcas te/ thang ka la sogs par gtogs pa'i bcom ldan 'das ma dkar mo nye bar ston pa ni sgrol ma la me tog dang / bdug spos la sogs pas mchod nas/ rang gi snying gar aM las byung
59a3 ba'i zla ba la hUM dkar po'o//de las 'od dkar po phyogs bcur yang dag par spros te/ de bzhin gshegs pa thams cad kyi thugs rab tu bskul nas/ rang gi snying ga'i sa bon la gzhug par bya'o/ /de nas bar snang la bcom ldan 'das ma sgrol ma dkar mo zhal gsum phyag drug ma 'og nas
59a4 gsungs pa'i rang gi gzugs su blta bar bya'o//de nas rang gi sa bon las byung ba'i lha rdzas kyi me tog la sogs pas mngon par mchod la/ sdig pa bshags pa dang / bsod nams la rjes su yi rang ba dang / gsum la skyabs su 'gro ba la sogs pa bya'o/ /bu gcig pa la brtse ba'i
59a5 mtshan nyid phan pa dang /bde ba la nye bar ster ba'i mtshan nyid ni byams pa'o/ /sdug bsngal dang sdug bsngal gyi rgyu las yang dag par sgrol ba'i rang bzhin ni snying rje'o/ /nyan thos la sogs pa'i lta ba las rnam par log pa'i mtshan nyid ni dga' ba'o/ /gzung ba dang 'dzin pa'i rnam par rtog pa
59a6 bcom pa'i mtshan nyid ni btang snyoms so//oM shU n+ya tA dz+nyA na badzra swa b+hA wa At+ma kou0f85haM/ zhes bya ba la chos thams cad rang bzhin med pa'i stong pa nyid kyi ngo bo nyid kyi byang chub mngon du bya'o/ /de nas smon lam rjes su dran pa las mdun du raM las byung ba'i nyi ma la hUM yig yongs su gyur pa las rdo rje'i g
59a7 ur la sogs pa rnam par bsgoms la/de'i dbus su paM yongs su gyur pa las pad+ma de'i steng du zla ba la hUM yig dkar por yongs su bltas la/ hUM gi sa bon nang du chud pa'i hUM dang / ut+pa la la blta'o/ /hUM dang ut+pa la gnyis 'dres shing gyur pa las rdzogs pa'i bcom ldan 'das ma dur
59b1 khrod brgyad kyis nye bar brgyan pa/dkar ba zhal gsum pa dkar ba dang / ser ba dang / nag po ni rtsa ba dang / g.yas dang cig shos kyi zhal lo/ /zhal so so la spyan gsum gsum mo/ /de bzhin gshegs pa rnam pa lnga 'phro ba/ phyag drug pa/ g.yas kyis mchog sbyin dang / phreng ba dang /
59b2 mda' bsnams pa'o/ /g.yon gyis ut+pa la dang / pad+ma dang / gzhu bsnams pa'o/ /zla ba'i gdan la skyil krung phyed pas bzhugs pa zla ba'i rgyab yol can/ ral pa'i cod pan dang ldan pa'i dbu la mgo bo rnam pa lngas brgyan pa/ zla ba phyed pas dbu thod byas pa/ rgyan thams cad kyis brgyan
59b3 pa/stag gi pags pa'i sham thabs can/ brgyad gnyis lon pa'i rnam pa can/ ma lus pa'i sems can la dkar po'i las nye bar ston pa'i sgrol ma'o/ /mi g.yo ba'i de kho na nyid ston pas a tsa le'o/ /rgyu dang 'bras bu dbyer med pa'i rim pas a ni mit+ta pa raM mo/ /shes rab dang thabs kyi rang bzhin
59b4 gyis hUM ngo //smon pa med pa'i rang bzhin ma rig pa nye bar zhi bas phaT dang spel ba'o/ /'dod chags la sogs pa nyon mongs pa rab tu zhi bas swA hA mthar bsgom par bya'o/ /de nas bcom ldan 'das ma'i snying gar gnyug ma'i sa bon bltas la/ de nas yang 'od zer phyung ste/ khams gsum
59b5 khyab par byas nas/de nyid la rab tu gzhug par bya'o/ /de'i rjes su bsgoms pas skyo na sngags bzlas par bya'o/ /de la sngags ni 'di yin te/ oM a tsa le a ni mit+ta ba raM hUM hUM phaT phaT swA hA/ yang cho ga ni 'di yin te/ tshes brgyad nas bzung ste gso sbyong dang ldan par byas la/ ji srid zla
59b6 ba nya'i bar du thun mtshams bzhi ru mchod pa dang /gtor ma'i cho ga sngon du 'gro bas/ bcom ldan 'das ma bsgom zhing de ltar cho ga byas na/ char med na char 'bab par 'gyur ro/ /rtag tu sgom par byed na sa la sogs pa yang 'grub bo/ /'phags ma dkar ba nye bar ston pa'i sgrol ma zhes bya ba'i
sgrub pa'i thabs/