57b1 @##/ /rgya gar skad du/ ka na ka bar+Na pradz+nyA pA ra mi tA sA d+ha naM/ bod skad du/ gser mdog can gyi shes rab kyi pha rol tu phyin ma'i sgrub thabs/ shes rab kyi pha rol tu phyin ma la phyag 'tshal lo/ /dang po re zhig sgrub pa pos bde ba'i stan la gnas te/ rang gi snying gar dbyangs yig dang po
57b2 yongs su gyur pa las zla ba'i dbus su d+hIHser po rnam par bsgoms la/snying ga'i sa bon gyi 'od kyis bcom ldan 'das ma bkug ste/ rang gi mdun du bzhugs su gsol la/ de las byung ba'i me tog la sogs pa bsgom bzhin pas yang dag par mchod la/ de'i mdun du sdig pa bshags pa
57b3 la sogs pa bya'o//de'i rjes su tshangs pa'i gnas bzhi bsgom pa sngon du 'gro bas yud tsam gyis stong pa nyid bsgom par bya ste/ sngags ni/ oM swa b+hA wa shud+d+haHsarba d+harmAHswa b+hA wa shud+d+hou0f85haM zhes bya'o/ /phyis ni nam mkha'i phyogs su dbyangs yig dang po yongs su gyur pa las/ zla ba'i dkyil 'khor l
57b4 a d+hIHser po la a la sogs pa'i dbyangs yig bcu drug gis bskor ba/de nas ka la sogs pa gsal byed sum cu rtsa gnyis kyis yongs su bskor ba'i d+hIHyongs su gyur pa las shes rab kyi pha rol tu phyin ma'i po ti sa bon gyis nye bar mtshan pa bsgoms la/ thams cad yongs su gyur pa las
57b5 bcom ldan 'das ma shes rab kyi pha rol tu phyin ma mdog ser mo sna tshogs pad+ma'i gdan la skyil mo krung gis gnas pa/phyag gnyis ma zhal gcig ma/ chos 'chad pa'i phyag rgya dang ldan pa/ rgyan thams cad kyis brgyan pa/ g.yon phyogs su gnas pa'i pad+ma'i dbus su shes rab kyi pha rol tu phyin
57b6 ma mdog ser mo'i po ti 'chang ba bsgom par bya'o//dpral bar oM ser po'o/ /mgrin par AHdkar po'o/ /snying gar d+hIHser po'o/ /lte bar hUM nag po'o/ /bzlas pa'i sngags ni oM AHd+hIHhUM swA hA/ gser mdog can gyi shes rab kyi pha rol tu phyin ma'i sgrub thabs rdzogs so/ /paN+Di ta don
yod rdo rje dang /