56b7 khams pa lo tsA ba dge slong ba ris bsgyur ba'o//[ ]@##/ /rgya gar skad du/ kai ba la nai rAt+m+ya sA d+ha naM/ bod skad du/ bdag med ma gcig pu'i sgrub pa'i thabs/ bdag med ma la phyag 'tshal lo/ /sngon du bstan pa'i cho gas stong pa nyid bsgoms pa'i rjes thogs
57a1 su zla ba'i dkyil 'khor la yi ge aM nag po las skyes pa'i sa bon dang bcas pa'i gri gug go//spro ba la sogs pa sngon du 'gro bas yongs su gyur nas/ ro'i snying gar zla ba la gnas pa'i skyil mo krung phyed pa'i gar gyis bzhugs pa bdag med ma sngon mo zhal gcig ma/ skra
57a2 kham pa gyen du 'khyil pa/mi bskyod pas dbu brgyan pa/ mche ba gtsigs shing lce 'dril ba/ g.yas na gri gug bsnams pa/ g.yon na thod pa dang kha T+wAM ga bsnams pa/ dmar zhing zlum pa'i spyan gsum pa/ phyag rgya lngas brgyan pa/ de'i spyi bo dang mgrin pa dang / thugs ka rnams la oM AHhUM gi yi ge'o/ /snying gar
57a3 zla ba la gri gug gi chang gzungs kyi zla ba la yi ge aM las bskor nas/sngags 'di bzlas pa bya ste/ oM a A i I/ u U/ r-i rI/ l-i l-I/ e ai/ o au aM swA hA/ zhes brjod do/ /bdag med ma gcig pu'i sgrub thabs rdzogs so/ /paN+Di ta don yod rdo rje dang / khams pa lo tsA ba dge slong ba ris bsgyur ba'o// //