55a7 bram ze mchog sred kyis mdzad pa rdzogs so/ /paN+Di ta don yod rdo rje dang / khams pa lo tsA ba dge slong ba ris bsgyur cing zhus so//[ ]@##/ /rgya gar skad du/ badzra sr-i kha lA sA d+ha naM/ bod skad du/ rdo rje lcags sgrog gi sgrub pa'i thabs/ rdo rje lcags
55b1 sgrog ma la phyag 'tshal lo/sngon du bstan pa'i cho gas rang gi snying gar zla ba'i dkyil 'khor la hUM ljang gu'i yi ge las nges par rdzogs pa'i rdo rje lcags sgrog ma zhal gsum phyag drug ma/ sngon po dang dkar po ni g.yas dang / cig shos kyi zhal lo/ /zhal re re la spyan gsum gsum mo/ /rdo rje dang rdo rje
55b2 lcags sgrog dang /mda' ni g.yas kyi phyag gsum na'o/ /sdigs mdzub dang / zhags pa dang / gzhu ni g.yon gyi phyag gsum na'o/ /mdog ljang ser zhal cung zhig bzhad pa/ rgyan thams cad kyis brgyan pa/ gdug pa can gyi sems can 'dul ba'i bdag nyid du bsams la/ phyag rgya
55b3 bcing bar bya ste/de la lag pa gnyis so sor khu tshur bcings nas/ mthe'u chung dang sdigs mdzub gnyis lcags sgrog gi rnam pa can du bcing bar bya ba ni rdo rje lcags sgrog gi phyag rgya'o/ /de nas bzlas pa ni/ oM badzra sr-i kha le hUM phaT swA hA zhes bya'o/ /rdo rje lcags sgrog gi sgrub thabs rdzogs so/ /