52b3 /paN+Di ta don yod rdo rje dang / khams pa lo tsA ba dge slong ba ris bsgyur cing zhus so//[ ]@##/ /rgya gar skad du/ uSh+NI Sha bi dza yA sA d+ha naM/ bod skad du/ gtsug tor rnam par rgyal ma'i sgrub thabs/ gtsug tor rnam par rgyal ma la phyag 'tshal lo/ /sngon du bstan
52b4 pa'i cho gas zla ba la b+h+rUM dkar po yongs su gyur pa las zhal gsum spyan gsum ma/lang tsho gsar la bab pa/ lha rdzas kyi rgyan dang na bza' dang ldan pa/ phyag brgyad pa'i gtsug tor rnam par rgyal ma bsam par bya'o/ /ser po dang nag po ni g.yas pa dang cig shos kyi zhal lo/ /g.yas kyi phyag
52b5 bzhi rnams su sna tshogs kyi rdo rje dang /pad+ma la gnas pa'i sangs rgyas kyi sku dang / mda' dang / mchog sbyin ma'o/ /g.yon gyi phyag bzhi rnams su gzhu dang / sdigs mdzub dang bcas pa'i zhags pa dang / mi 'jigs pa'i phyag rgya dang / bum pa gang ba'o/ /mchod rten gyi phug gi khong
52b6 na gnas par bskyed la/pad+ma la gnas pa'i sa bon snying gar bsam par bya'o/ /de'i rjes su spyi bo dang / dpral ba dang / mgrin pa dang / lte ba dang / rkang pa rnams su go rims bzhin du hUM trAM hrIHaM aHzhes bya ba'i yi ge'i rnam par bsam par bya'o/ /oM b+h+rUM swA hA/ bzlas pa'i sngags so/ /