52a4 paN+Di ta don yod rdo rje dang / khams pa lo tsA ba dge slong ba ris bsgyur cing zhus pa'o//[ ]@##/ /rgya gar skad du/ ma hA pra ti sA ra sA d+ha naM/ bod skad du/ so so 'brang ba chen mo'i sgrub thabs/ bcom ldan 'das ma so so 'brang ma chen mo la phyag 'tshal lo/ /sngon du bstan
52a5 pa'i cho gas stong pa nyid bsgoms pa'i rjes su a las skyes pa'i zla ba'i dkyil 'khor la phraM ser po sna tshogs kyi 'od zer spros pas gzhan gyi don byas nas yongs su gyur pa las bcom ldan 'das ma so so 'brang ba chen mo skad cig gis bskyed par bya ste/ser mo zhal bzhi pa spyan gsum pa/
52a6 phyag brgyad ma zhal dang po ser po/ g.yas kyi zhal dkar ba/ nub phyogs kyi zhal sngo ba/ g.yon rab tu dmar ba'o/ /g.yas pa'i phyag g.yas rnams na ral gri dang / 'khor lo dang / rtse gsum dang / mda'o/ /g.yon na dgra sta dang / gzhu dang / zhags pa dang / rdo rje bsnams pa'i
52a7 phyag go//sna tshogs kyi pad+ma dang zla ba'i gdan la 'gying bag gis rnam par gnon cing yang dag par gnas pa'o/ /'od kyi dkyil 'khor dmar po can/ rgyan thams cad kyis brgyan pa'o/ /sna tshogs kyi na bza' mnabs pa/ gos kyi stod g.yogs byas pa/ rin po che sna tshogs kyi
52b1 dbu rgyan can/de ltar rnam par bsams la/ sku dang gsung dang thugs rnams su zla ba la gnas pa'i oM AHhUM dkar po dang / ser po dang / sngon po'i yi ge rnam par bsgom mo/ /de nas nu ma'i bar du zla ba la gnas pa'i praM yig rnam par bsams la/ rnam pa sna tshogs pa lha mo rnams kyis
52b2 bdag nyid la mchod par blta zhing /spro ba dang bsdu bas ji srid du skyo bar ma gyur pa de srid du bsgom par bya'o/ /skyo bar gyur na rang gi snying ga'i zla ba la sngags mu tig gi phreng ba'i rnam par bltas la bzlas pa bya'o/ /oM ma Ni d+ha ri badzrI ni ma hA pra ti sA re swA hA zhes bya ba ni sngags so/ /so so 'brang ma'i sgrub
thabs rdzogs so/