CLOSE WINDOW

D3370
བོད་ཡིག

khams pa lo tsA ba dge slong ba ris bsgyur ba'o//[ ]@##/ /rgya gar skad du/ o Di yA na bi ni ra ga ta ku ru kul+le sA d+ha naM/ bod skad du/ o Di yA na nas byung ba'i rigs byed ma'i sgrub pa'i thabs/ 'phags ma rigs byed ma la phyag 'tshal lo/ /dang por re zhig bsgom pa'i dang por dri zhim po rnam pa lngas sa'i phyogs cig byugs la/brtul zhugs dang ldan pas dga' ba'i sems kyis mnyam par bzhag pas 'jam pa'i gdan la nye bar gnas la/ de nas phyis ni rang gi snying gar raM yongs su gyur pa las nyi ma'i dkyil 'khor 'od 'bar ba'i phreng ba'i rnam pa 'khrugs pa'o//de'i lte bar hrIHdmar po rnam par bsam mo/ /de nas hrIHlas nges par 'byung ba'i 'od zer kyi dra bas phyogs bcu na nye bar gnas pa'i sems can gyi khams gsal bar bya ste/ dpal rigs byed ma'i gzugs su nye bar gnas par byas la/yang 'od zer de nyid phyir 'ongs te/ de nyid la zhugs pas 'od zer gyi dra ba rnam par bsgom par bya'o/ /de nas phyis ni mdun gyi nam mkha' la brgyad gnyis lon pa'i rnam pa mgo skyes kham pa gyen du 'greng ba/ thod pa rnam pa lnga dbu la 'chang ba/ ro la zhon pa mgo'i phreng bas do shal byas shing skyil krung phyed pa'i gar gyis gnas pa cung zhig mche ba gtsigs pa'i zhal/ljags 'dril ba/ 'khor lo dang / rna cha dang / mgul rgyan dang / dpung rgyan dang / ska rags dang / rkang rgyan gyis brgyan pa/ stag gi pags pa'i sham thabs can/ g.yon du byas pa'i spyan gsum ni zlum zhing dmar la g.yo ba'o//'od dpag med pa'i dbu rgyan can/ phyag bzhi pa/ rna ba'i bar du bkang ba/ ut+pa la dmar po/ mde'u can gyi mda' dang / me tog dmar po'i gzhu bkang zhing bsnams pa'o/ /phyag lhag ma gnyis na me tog dmar po las byas pa'i lcags kyu dang / ut+pal dmar po bsnams pa'i rnam pa bsam par bya'o//'di nyid mchod pa'i don du rang gi snying ga'i nyi ma'i dkyil 'khor la gnas pa hrIHlas byung ba'i mchod pa rnam pa lnga/ me tog dang / bdug pa dang / mar me dang / dri dang / lha bshos la sogs pa rnams kyis mchod par bya'o/ /mchod nas mchog gi snying rje chen po'i rnal 'byor pas gus pas btud cing lus la sogs pas phyag bya'o//de nas gang zhig sdig pa byed du bcug pa dang / bdag gis bgyis pa dang / rjes su yi rang ba 'di dag bcom ldan 'das ma la mngon sum du bshags par bya'o/ /de'i rjes su 'khor ba'i rgya mtshor lhung ba'i sems can gyi khams bsgral ba'i ngo bo nyid/byang chub kyi sems rnam par gzung ngo / /de nas tshangs pa'i gnas bzhi bsgom par bya'o/ /de'i rjes su stong pa nyid bsgoms te/ sngags 'dis sems tsam du lhag par gnas par bya'o/ /oM shu n+ya tA dz+nyA na badzra swa b+hA wa Ad+ma kou0f85haM/ zhes bya b as sems byin kyis brlabs la/de'i rjes su nam mkha'i phyogs su raM yongs su gyur pa las nyi ma'i dkyil 'khor 'bar ba brtan pa'i rnam par bsgom par bya'o/ /de'i steng du hUM nag po yongs su gyur pa las sna tshogs rdo rje'o/ /ra ba dang / gur bcing ba dang / rdo rje'i sa gzhi bsgom par bya'o zhes pa ni srung ba'i 'khor lo'o//de nas dbus su e'i rnam par byed pa'i lha rdzas kyi chos 'byung gi ye shes mdog dkar ba'i rnam par bsgom par bya'o/ /de'i dbus su hrIHdmar po las byung ba'i pad+ma dmar po 'dab ma brgyad pa'o/ /de'i steng gi ze'u 'bru la raM yongs su gyur pa las nyi ma'o//de'i steng du ro'o/ /yang de'i steng du a yongs su rdzogs pa'i zla ba dkar po/ mtshan sum cu rtsa gnyis kyi bdag nyid do/ /de'i steng du yang nyi ma'i dkyil 'khor dpe byad bzang po brgyad cu'i ngo bo nyid kha dog dmar po'o/ /de nyid kyi dbus su hrIHdmar po yongs su gyur pa las ut+pa la dmar po'i mde'u can gyi mda' la rang sems zhugs par rnam par bsgom par bya'o//phyis ni zla ba dang nyi ma dang / mda' gcig tu gyur pa las de nyid du sngon bzhin gyi bdag nyid rigs byed ma'i gzugs su rnam par bsgom par bya'o/ /rnam par bsgoms nas rang gi snying gar raM las nyi ma'i dkyil 'khor/de'i lte ba la yang hrIHyig bsgom par bya'o/ /de las byung ba'i 'od zer gyis mgon po 'od dpag med pa bkug cing spyan drangs la/ gsang ba dang cig shos kyi mchod pas yang dag par mchod la/ dbang bskur bar gsol ba gdab par bya'o/ /de la 'di ni gsol ba ste/ mgon po 'od dpag med pa khyed kyis bdag la dbang bskur du gsol zhes pa'o/ /de nas mgon po 'od dpag med pa des rang gi snying ga las bdud rtsi rnam pa lngas gang ba'i bum pa lnga spros pa'i rnam par bsgom par bya'o/ /de nas bdud rtsi rnam pa lngas gang ba'i bum pa des mngon par khrus bya'o/ / khrus byas nas rang gi snying gar bum pa gzhug go/ /de la zhugs nas rnal 'byor pa'i mgo la mgon po 'od dpag med pa bsgom par bya'o/ /thun mtshams gsum du bsgom zhing bzlas pa bya'o/ /de nas sngags ni oM ku ru kul+le hrIHswA hA tsan+dan dmar po'i ched du bzlas par bya'o/ /oM AHhUM zhes bya bas kha byin kyis brlab pa ni dgos pa'o//gzhan yang sngags pas skyes pa'am bud med dbang du bya bar 'dod pas/ dkar po'i phyogs kyi tshes gcig nas brtsams te/ thun mtshams gsum du khri tsho gcig nyi ma re re zhing bcom ldan 'das ma'i gzugs dmigs la gos dmar pos ro smad dang /lus la dkris la de'i rjes su rang gi snying gar nyi ma la gnas pa'i hrIHdmar po yongs su gyur pa las pad+ma dmar po 'dab ma brgyad pa/ skye gnas kyi bar du son pa'i sdong bu'i rnam pa bsgom par bya'o/ /de'i 'dab ma rnams su bung ba brgyad brgyad pa'i mtha'i mtha' dbyangs yig de yongs su gyur pa las bung ba brgyad do//shin tu dga' ba dang rgyas pa dang / khros shing chags pa ni go rims bzhin du yongs su brjod do/ /rang gi sna'i rlung gis bskul te/ 'phur nas g.yas pa las gzhan cig shos kyi sna'i khung bu nas byung ste/ bsgrub bya'i g.yas pa'i sna bug nas zhugs nas/dga' bas dum bur gtub cing nyams par byas dbyangs yig dang po la sogs pa brgyad cung zhig dmar ba dang ldan pa'i 'dab ma bzhi par bya'o/ /'di ltar lta bar byed pa ni rnal 'byor pas/ phyi nas rna ba'i bar du bkang ba'i ut+pa la'i mde'u dang ldan pa'i mda' 'chang ba la lta ba dang ldan pa'i sngags pas/ze'u 'bru so sor rtog par bya'o/ /de nas bung ba de dbugs kyis bskul te/ g.yon pa'i sna'i bu ga nas byung nas dbyangs yig re blangs shing khyer nas/ rnal 'byor pa'i sna bug g.yas pa nas zhugs te/ rang gi snying gar rang dang gzhan gyi ye shes gcig pa'i ngo bo nyid du bya'o//de nas ut+pa las ske ba nas bcings te/ ske nas lcags kyus phug cing mda'i dra ba'i rnam par bsams na dbang du 'gyur ro/ /mgal me'i 'khor lo la gnas pa'i bsgrub bya bsam par bya'o/ /sgrub pa po ni sngags gzugs kyis/ /gdams ngag dag ni nges byas la//rtag tu dga' bas sngags bzlas bya/ /oM ku ru kul+le hrIHa mu kIM me ba sha ma nA ya swA hA/ ma lus par 'di yang nyin dang mtshan du bya'o/ /de nas myos par gyur nas 'ong bar 'gyur ro/ /sngags kyis bskul nas skra grol ba gos med pa 'dod pa spyod 'dod pas non pa/de thob nas rang gi lhag pa'i lha'i rnal 'byor gyis dkyil 'khor mchod par bya'o/ /dngos grub rgya chen po gang gis gzhom par mi nus pa'i o Di yA na nas byung ba'i lha mo rigs byed ma'i sgrub thabs rdzogs so/ /paN+Di ta don yod rdo rje dang / khams pa lo tsA ba dge slong ba ris bsgyur ba'o/