39b7 'phags ma ri khrod lo ma can gyi gzungs sngags rdzogs so//[ ]@##/ /rgya gar skad du/ Ar+ya badzra swa ra swa tI sA d+ha naM/ bod skad du/ 'phags ma rdo rje dbyangs can ma'i sgrub thabs/ 'phags ma rdo rje dbyangs can ma la phyag 'tshal
40a1 lo//yang dag rdzogs sangs rgyas kyi gsung gter yon tan rang bzhin rdo rje dbyangs can la btud nas/ /rang la mnyes byed phan mdzad mdzes pa'i rol ldan spro zhing rtsod pas thub par dka' mdzad ma/ /de ni yang dag mnyes byed phan phyir srid pa byed cing mi bzad mi shes mun
40a2 pa 'joms//blo ngan dag gi ched du sems can phan phyir legs par gsungs pa'i cho ga brjod par bya/ /dang por snga bar kha la sogs pa dag pa'i rang bzhin snying rje dang ldan bzod ldan pas/ /sngags pas gtsang ma'i stan la byams pa'i dga' bas myos shing gang zhig dga' ba dag gis ni/ /
40a3 yid dang mthun pa'i dben pa'i gnas su yang ni dga' bas rang gi snying gar pad+ma blta/ /'dir sprul par brjod pa'i ri bong 'dzin pa la ni yang dag bsgom bya de la yang / /de nas doHyi 'od zer gyis ni 'di nas kyang ni phyogs gzhan kun ni yongs su bkang / /sangs rgyas tshogs ni kun du bltas
40a4 la mchod pa la sogs 'di ni bsgom par rab tu bya//me tog la sogs de nas phyag byas 'dir ni sdig pa bshags pa de bzhin rab tu bya/ /sngags rig pas ni bsod nams rjes su yi rang skyabs gsum yang dag rab tu 'gro bar bya/ /shes bya la sogs smon lam legs btab de
40a5 yis bdag nyid kyis ni dmigs par rab tu bya//gcig dang du ma dang bral lta bur yongs brjod bden zhing dag par shes rtogs pas/ /de nas sna tshogs thams cad rnam rtog dra ba ma lus stong pa nyid du bsgom par bya/ /oM shU n+ya tA dz+nyA na badzra swa b+hA wa At+ma kou0f85haM/ stong pa nyid las byung pad+ma dang n
40a6 i zla ba la gnas yang ni doHyig dmar po ste//sna tshogs dag gi 'od zer tshogs ni shin tu mdzes par gyur pa'i pad+ma 'dab brgyad pa/ /de las dmar zhing 'od zer chen po dang ldan bcom ldan 'das ma bzang po'i rgyan gyis brgyan/ /g.yon brkyang ba yi zhabs kyis yang dag gnas shing
40a7 zhal gsum phyag drug dag gis rab brgyan pa//g.yas pa'i zhal ni sngo zhing phyag na pad+ma ral gri gri gug rab tu bsnams pa ste/ /zhal g.yon dkar zhing lhung bzed dang bcas de bzhin rin chen 'khor lor rab tu ldan pa'i phyag /snying gar pad+ma la gnas zla ba'i dbus su gnas pa'i 'bar
40b1 ba'i doHyig de dang ni//sna tshogs mi shes mun pa 'joms pa'i 'od zer gyis ni 'gro ba ma lus rab tu 'gengs/ /yang dag bsdus la rang gi snying gar zla bar gnas pa'i sa bon la gnas bltas la yang ni spro/ /de nyid yang dang yang du rgyun du snyom las med par nyin re bsam par rab byas
40b2 te//bsam gtan skyo na sa bon mnyam skyes bsdus la sngags 'di yi ni bzlas pa rab tu bya/ /do shal g.yo zhing gsal ba'i rim pas 'byung bas yid bzhin du ni sngags kyi bzlas pa bya/ /oM pi tsu pi tsu pradz+nya war+d+ha ni dz+wa la dz+wa la me d+ha war+d+ha ni/ d+hi ri d+hi ri/ bud+hi war d+ha ni swA hA/ thun mtshams thams
40b3 cad du ni lha mo'i gzugs la yid kyis rtag par shin tu rab dga' bas//yang dag gsungs pa'i cho gas sems can don gyi rgyur ni sngags 'di yongs su bzlas pa bya/ /bsod nams bsngo bya dgos pas byed na bsam gtan rtse gcig nges par gnas pas bskyang bya ste/ /ji srid 'bum phrag
40b4 yongs su ma rdzogs pa ni rdzogs 'gyur nas ni las kyi rim bzhin bya//rnam pa thams cad du ni mi mthun phyogs su nye bar song yang de nyid bsam gtan byed/ /dkar po'i tshes gcig nyid nas shin tu mdzes pa'i yid kyis ji srid zla ba gnas pa'i bar/ /de snyed sbyar ba'i skad cig nub re bzhin
40b5 du ji snyed zla ba nya ba'i bar du bya//de nyid kyi ni nub mo thub par dka' ba'i tshigs bcad mkhan gyi dngos grub thob par 'gyur/ /gang zhig dpal ldan nag po'i rgyal pos dpal ldan gshin rje gshed kyi rgyud du gnas byas pa/ /dpal dang ldan pa'i rdo rje dbyangs can bcom ldan 'das ma de ni yang
40b6 dag mnyes pa'i thabs//sems can rnams la phan pa'i don du bdag gis byas pa'i bsod nams yang dag gyur pa des/ /des ni 'gro kun nag po lta bur thub par dka' ba'i tshigs bcad mkhan ni grub par shog /sangs rgyas rnal 'byor dpal 'dzin gyis/ /dpal ldan rdo rje dbyangs
40b7 can gyi//'joms byed mthar ni byed pa yi/ /sgrub pa'i thabs ni 'di byas so/ /rdo rje dbyangs can ma'i sgrub pa'i thabs/ slob dpon dpal 'dzin gyis mdzad pa rdzogs so/ /paN+Di ta don yod rdo rje dang / khams pa lo tsA ba dge slong ba ris bsgyur cing zhus pa'o// //