39a2 /paN+Di ta don yod rdo rje dang / khams pa lo tsA ba dge slong ba ris bsgyur cing zhus te gtan la phab pa'o//[ ]@##/ /rgya gar skad du/ par+Na sha ba ri sA d+ha naM/ bod skad du/ ri khrod lo ma can gyi sgrub thabs/ 'phags ma ri khrod ma lo ma can la phyag 'tshal lo/ /ri khrod ma lo ma can
39a3 gyi sgrub pa'i thabs brjod par bya ste/sngon bzhin du thams cad byas la rang gi snying gar pad+ma dkar po dang zla ba'i dkyil 'khor la paM ser po las skyes pa'i rdo rje'i lte ba la peM ngo / /de thams cad yongs su gyur pa las bcom ldan 'das ma sku mdog ser ba zhal gsum pa/ spyan gsum pa/
39a4 phyag drug pa'o/ /zhal dang po gser gyi mdog lta bu'o/ /g.yas pa dkar ba/ g.yon dmar ba/ 'gying zhing dgod pa/ rgyan thams cad kyis mdzes pa/ shing lo rtse mo gshibs pa'i sham thabs can lang tsho gsar la bdo zhing grims pa'o/ /g.yas kyi phyag rnams na rdo rje dang dgra sta dang / mda'
39a5 rnams so//g.yon gyi phyag tu sdigs mdzub dang bcas pa'i zhags pa dang / shing lo'i chun po dang / gzhu bsnams pa'o/ /me tog gis bcings pa'i ral pa'i cod pan la mi bskyod pa 'chang ba'o/ /nyi ma'i dkyil 'khor can ma/ 'og tu bgegs bsgyel ba la pad+ma dkar po dang / zla
39a6 ba'i gdan la g.yon brkyang ba'i zhabs kyis gnas pa/g.yon pa'i khu tshur gyis sdigs mdzub byas pa ni/ 'og gi bgegs kyi tshogs skrag par byed pa/ g.yas pa'i khu tshur gyis rdo rje 'phyar ba'i tshul gyis bsnams pa ste/ phyag rgya 'di yis snying ga la sogs par bsams pas rgyas gdab
39a7 pa'o//rang gi 'od zer gyis ye shes sems dpa' gzhug pa la sogs pa bskyed la/ nye bar 'tshe ba thams cad 'joms par byed ma bsam par bya'o/ /de nas sngags bzlas par bya'o/ /oM pi shA tsi par+Na sha ba ri sarba mA ra pra sha ma nI swA hA/ de nas ji lta ba bzhin du gshegs su
gsol la/