38b1 mi g.yo ba'i sgrub thabs pra b+ha kA ra kIrtis mdzad pa rdzogs so/ /paN+Di ta don yod rdo rje dang / khams pa lo tsA ba dge slong ba ris bsgyur cing zhus pa'o//[ ]@##/ /rgya gar skad du/ tsaN+Da ma hA ro Sha Na sA d+ha naM/ bod skad du/ gtum po chen po'i sgrub pa'i thabs/ bcom ldan 'das
38b2 gtum po chen po la phyag 'tshal lo//sngon du gsungs pa'i cho gas stong pa nyid bsgoms pa'i rjes su pad+ma dkar po'i steng na nyi ma la hUM yig nag po de yongs su gyur pa las bcom ldan 'das gtum po chen po khros pa/ zar ma'i me tog lta bu/ ming gzhan gyis mi g.yo ba zhal gcig phyag
38b3 gnyis pa/mi g.yo ba mi mnyam pa'i spyan/ mche ba gtsigs pa/ mi bzad pa'i zhal chen po/ rin po che'i dbu rgyan can mche bas ma mchu mnan pa/ mgo bo'i phreng ba'i dbu rgyan can/ spyan gnyis dkar zhing dmar ba/ g.yas na ral gri 'dzin pa/ g.yon pa'i phyag gis zhags pa
38b4 dang sdigs mdzub thugs kar bsnams pa'o//sbrul dkar po mchod phyir thogs pa/ stag gi pags pa'i sham thabs can rin po che sna tshogs kyis rnam par spras pa/ zhabs g.yon pas la ma reg pa/ zhabs g.yas pa cung zhig bteg pa/ nyi ma'i 'od kyi phreng ba can gyi bdag nyid
38b5 rnam par bsam par bya'o//dam tshig sems dpa' dang ye shes sems dpa' bsgom pa sngon du 'gro bas mi bskyod pas dbu brgyan par bsam par bya'o/ /de nas bzlas pa ni oM tsaN+Da ma hA ro Sha Na hUM phaT/ gtum po chen po'i sgrub thabs rdzogs so/ /paN+Di ta don yod rdo rje dang / khams pa
lo tsA ba dge slong ba ris bsgyur cing zhus pa'o/