35b6 khams pa lo tsA ba dge slong ba ris bsgyur cing zhus pa'o//[ ]@##/ /rgya gar skad du/ pradz+nyA pA ra mi tA sA d+ha naM/ bod skad du/ shes rab kyi pha rol tu phyin ma'i sgrub thabs/ bcom ldan 'das ma shes rab kyi pha rol tu phyin ma la phyag 'tshal lo/ /sngon du
35b7 bstan pa'i cho gas rang gi snying gar pad+ma dkar po dang /zla ba'i dkyil 'khor la praM dkar po bkod nas sngon du bstan pa bzhin du thams cad byas la/ praM dang pad+ma yongs su gyur pa las bcom ldan 'das ma zhal gcig ma/ phyag gnyis ma dkar mo/ lung dang rtogs pa'i bdag
36a1 nyid rin po che'i dbu rgyan 'chang ba/shes rab kyi pha rol tu phyin pa'i po tis mtshan pa'i pad+ma gnyis g.yon dang g.yas kyi logs kyi nang du longs kyin yang dag par bsnams shing bzung ba'i phyag gnyis kyis chos bshad pa'i phyag rgya kun nas bcings te/ pad+ma dkar
36a2 po dang zla ba la rdo rje skyil krung can ma/lang tsho gsar la bab cing bdo ba/ sna tshogs kyi na bza' dang rgyan gyis brgyan pa'i rab tu snang ba tsam mo/ /sna tshogs kyi 'od zer rab tu 'phros pa'i tshogs kyis nam mkha' bkang ste/ mar me'i phreng ba lta bu thogs pa med pas/ shes rab kyi pha rol
36a3 tu phyin ma mang po 'phro zhing bsdu ba'i sbyor bas thams cad gcig gi rang bzhin du lhag par mos pas yang ji srid du shes rab kyi pha rol tu phyin ma mngon du ma gyur pa de srid du bsgom par bya'o//de nas gal te dgod par byung bar gyur na/ de la pad+ma dkar po sna'i rtse mor sran tsa na ka'i tshad tsam
36a4 bris pa lta bu rnam par bsgoms la/de la gnas pa'i shes rab kyi pha rol tu phyin ma shin tu phra ba brjod pa'i gzugs rtse gcig pa'i yid kyis yang dang yang du mngon du bya zhing bsgom par bya'o/ /de nas bskyed pa'i rim pa'i phyogs kyi sngags ni/ oM praM swA hA/ rdzogs pa'i rim pa'i
36a5 phyogs kyi sngags med de/don dam pa'i shes rab kyi pha rol tu phyin pa'i rnal 'byor pa gdams ngag thob pas so/ /dge 'dun sbyin gyi bu yis ni/ /rigs kyi ming gis 'bad pa yis/ /sems can kun gyi don gyi rgyur/ /sgrub thabs gsal po 'di bris so/ /shes rab kyi pha rol tu
phyin ma'i sgrub thabs/