34b3 /uts+tshusma dzaM b+ha la'i sgrub pa'i thabs rnal 'byor pa dga' ba sbyin gyis mdzad pa rdzogs so/ /paN+Di ta don yod rdo rje dang / khams pa lo tsA ba dge slong ba ris bsgyur cing zhus pa'o//[ ]@##/ /rgya gar skad du/ ba sun+d+hA rA sA d+ha naM/ bod
34b4 skad du/lha mo nor rgyun gyi sgrub thabs/ lha mo nor gyi rgyun la phyag 'tshal lo/ /gzhan yang nor rgyun ma sgom par 'dod pas/ de la sngon bzhin du thams cad de ltar bya'o/ /'on kyang drug pa'i gsum pa'i sa bon la zla phyed dang thig les brgyan pa ste/ de nyid la rdzogs pa'i nor sbyin ma
34b5 mdog ser ba 'bras kyi snye ma dang /rin po che sna tshogs kyi char 'bab bzhin pa'i bum pa ni g.yon pa'i phyag na'o/ /g.yas pa mchog sbyin pa rgyan thams cad kyis brgyan pa/ mdza' ba'i skye 'gro rnams kyis yongs su bskor ba bsgom par bya'o/ /bdag nyid nor rgyun ma'o zhes bya'o/ /lag
34b6 pa gnyis kyi khu tshur bcings te/gung mo gnyis kyi tshigs gsum pa bcag pa ni nor rgyun ma'i phyag rgya'o/ /de nas bzlas pa bya ste/ oM shrI ba sun+d+hA nak+She tre swA hA/ nor rgyun ma'i sgrub thabs rdzogs so/ /paN+Di ta don yod rdo rje dang / khams pa lo tsA ba dge slong ba ris bsgyur cing zhus pa'o// //