34a3 /dpal dzaM b+ha la'i sgrub pa'i thabs mdor bsdus pa'o/ /slob dpon badzra tsan+d+ra go mis mdzad pa rdzogs so/ /paN+Di ta don yod rdo rje dang / khams pa lo tsA ba dge slong ba ris bsgyur cing zhus pa'o//[ ]@##/ /rgya gar skad du/ uts+tshu sma dzaM b+ha la sA d+ha naM/ bod
34a4 skad du/uts+tshusma dzaM b+ha la'i sgrub pa'i thabs/ bcom ldan 'das dzaM b+ha la la phyag 'tshal lo/ /oM AHzhes bya bas phab ste/ rang gi snying gar a yongs su gyur pa las zla ba'i dkyil 'khor gyi dbus su hUM las rdo rje rtse dgu pa'i dbus su dbang po sbas pa lta bu'i hUM yig go/ /sngon du
34a5 bstan pa 'bebs pa'i sngags kyis phab la/dzaM b+ha la mgon po rang gi snying gar rab tu bcug pas/ uts+tshusma mi'u thung gi gzugs rna ba ma phug pa mdog nag pa/ skra kham pa gyen du bsgreng ba/ lus thung bar byed cing khro gnyer can/ mche ba dang ldan pa rin chen 'byung ldan gyi
34a6 dbu rgyan can/klu chen po brgyad kyi rgyan gyis brgyan pa'i g.yon pa'i phyag na rin po che la sogs pa skyugs pa'i sre mo bsnams pa/ g.yas na khrag gis bkang ba'i thod pa bsnams pa'o/ /mgo g.yas phyogs su bstan pa'i gser gyi mdog can/ rgyan sna tshogs kyis brgyan
34a7 pa'i nor sbyin 'gyel ba la zhabs gnyis kyis mnan pas rin po che'i snye ma la sogs pa skyugs par byed pa'o//'od 'phro ba'i phreng ba 'khrigs pa'i bdag nyid du bsams la/ uts+tshusma'i g.yas pa'i phyag tu aM las skyes pa gru gsum pa sa ka Ta bsam mo/ /baM las skyes pa'i bum
34b1 pa bzang po 'bo bzhin pa'o//lag pa'i dbus su dzaM ngo / /sdigs mdzub la b+ha'o/ /gung mo la la'o/ /srin lag la dza'o/ /mthe'u chung la len no/ /mtheb chen la drA'o/ /mkhrig mgul du ya'o/ /de nas swA hA zhes pa ni logs gnyis la'o/ /sngags dgod pa bsgom pa'i rim pa'o/
34b2 kha mngon par bsngags la chu sbyin sbyin par bya'o/ /oM dz+lUM swA hA/ chu khyor ba nas sbyin pa'i sngags so/ /oM in+d+ra Ni mu khaM b+h+ra ma ri swA hA/ lag pa nas kha/ kha nas lag pa/ de nas zhal du sbyin par bya'o/ /de ltar snying rjes sems can dbul ba'i sdug bsngal bcad pa'i don du dzaM b+ha
la bsgom pa ni dzaM b+ha la nyid du 'gyur ro/