29a2 @##/ /rgya gar skad du/ o Di yA Na mA rI ts+yai sA d+ha naM/ bod skad du/ u D+yan gyi 'od zer can gyi sgrub pa'i thabs/ 'phags ma 'od zer can la phyag 'tshal lo/ /dang po re zhig rang gi snying gar aM yig yongs su gyur pa las nyi ma'i dkyil 'khor ro/ /de'i steng du dang po'i bcu
29a3 gsum kyi sa bon zla phyed thig les brgyan pa'o//de kho na bzhin du sdig pa bshags pa la sogs pa byas nas de nyid kyis yongs su rdzogs pa'i maM ngo / /de thams cad yongs su gyur pa las 'od zer can mdog dmar la zhal drug pa phyag bcu gnyis ma zhal dang po dmar ba/ gnyis
29a4 pa nag po/gsum pa ljang gu/ bzhi pa ser po/ lnga pa dkar po/ mgo bo'i steng na gnas pa'i phag gi zhal ni nag po ste drug pa'o/ /mchod rten dang mya ngan med pas brgyan pa/ rnam par snang mdzad ser pos dbu brgyan pa/ gsus pa 'phyang ba/ thod pa'i phreng bas brgyan
29a5 pa/skra kham pa gyen du 'greng ba/ sbrul kyis brgyan pa/ stag gi pags pa'i sham thabs can/ g.yon brkyang ba'i zhabs phag gis bgegs kyi tshogs mnan pa'i steng na gnas pa'o/ /g.yas pa'i phyag na ral gri dang / rdo rje dang / gtun shing dang / mda' dang / rdo rje rtse
29a6 gcig pa dang dgra sta'o//g.yon pa'i phyag na sdigs mdzub dang bcas pa'i zhags pa dang / thod pa dang / mya ngan med pa'i yal ga dang / tshangs pa'i mgo bo dang / gzhu dang / rtse gsum mo/ /spyan gsum zlum zhing dmar ba/ zhal mche ba gtsigs pa'o/ /shing rta'i
29a7 dbus na gnas pa'o//lha mo gzhan ni phyag gnyis pa sdigs mdzub dang bcas pa'i zhags pa mya ngan med pa'i yal ga yang bsgom par bya'o/ /bdag nyid bcom ldan 'das ma zhes pa'o/ /de nas phyag rgya bcing bar bya ste/ rdo rje thal mo sbyar la gung mo gnyis mnyam par
29b1 bkug ste/mtheb chen gnyis skyil mo krung bcas la/ rtse mo'i tshigs ni cung zhig bskum pa'o/ /sngags ni/ oM mA rI ts+yai aM mAM hU~M hU~M hU~M phaT phaT swA hA/ o D+yan gyi 'od zer can gyi sgrub thabs rdzogs so// //paN+Di ta don yod rdo rje dang / khams pa lo tsA ba dge slong gis bsgyur ba'o//