28a7 @##/ /rgya gar skad du/ sI ta tA ra sA d+ha naM/ bod skad du/ sgrol ma dkar mo'i sgrub pa'i thabs/ 'phags ma sgrol ma la phyag 'tshal lo/ /ched du zla ba drug gi bar/ /sgrol ma'i 'khor lo sgom pa pos/ /dngos grub thams cad 'thob 'gyur zhing / /'chi ba'i skyon gyis ma gos
28b1 pa'i//ngag gi dbang phyug gnang byas la/ /'chi bdag slu ba bsdus pa las/ /phyung nas sgrol ma dkar mo ni/ /bsgoms nas 'jigs pa nyams byed ma/ /bzhi pa'i sde tshan dang po a/ /bcas las nam mkha' 'od zer spros/ /pad dkar zla ba'i gdan bltas la/ /gsum
28b2 la skyabs 'gro yang brjod bya//rang bzhin sgro btags gzhom ched du/ /skad cig stong pa nyid du blta/ /de nas sngon gyi smon lam dbang / /byang chub sems kyi yi ge bsgom/ /pad+ma dkar po'i dbus gnas pa'i/ /zla ba'i gzugs kyi steng du ni/ /rdo rje skyil mo krung bcas pa/ /mchog
28b3 sbyin pa dang ut+pa la 'dzin//ston ka'i zla ba'i 'od rnam can/ /zla ba'i rgyab la mnyam brten pa'i/ /rgyan rnams thams cad yongs su rdzogs/ /bcu drug lo lon lus can ma/ /sangs rgyas kun dang de sras kyi/ /yum ni 'dod pa'i gzugs 'dzin ma/ /sgrol ma de yi snying gar
28b4 bsgom//'khor lo 'od zer dkar po can/ /re'u mig brgyad la yi ge brgyad/ /yongs su bskor bar bya ba'o/ /oM hA gsal byed dbus gnas pa'i/ /bsgrub bya'i ming ni lte bar bya/ /zla drug rtse gcig pa'i yid kyis/ /nges par brtan po dag tu bya/ /yi ge bcu pa'i sngags 'di ni/ /mi
28b5 skyo yid kyis bzlas bya ste//oM gyi yi ge dang por sbyin/ /phyis ni tA re rab tu sbyar/ /tut+tA re la tu re phyis/ /swA hA mtha' ru las kun byed/ /tshangs dbang khyab 'jug zla nyi dang / /drag po phyogs skyong 'dod lhas kyang / /ba spu'i rtse mo'ang gcod mi nus/ /'chi bdag las rgyal sgrol
28b6 ma bzhin//skra dkar gnyer ma skal ngan nad/ /dbul ba la sogs mdor bsdus na/ /seng sogs 'jigs pa che brgyad dang / /sdug bsngal rab tu 'joms byed pa/ /bskul ba med par gus btud par/ /khang bzangs rin chen sogs kyang 'du/ /ral gri dang ni mig sman dang / /
28b7 rkang pa bum pa bzang sogs 'grub/ /tshigs bcad mkhan dang snyan ngag dang / /blo rno shes rab dri med 'gyur/ /gzhan yang ci 'dod dngos grub ni/ /'khor lo de las 'byung bar 'gyur/ /sgrol ma dkar mo'i sgrub pa'i thabs/ /nad dang 'chi ba rnam nyams pa/ /gang zhig phyung nas
29a1 dge bsags pa//des ni skye 'gro sgrol bar shog /sgrol ma dkar mo'i sgrub pa'i thabs/ /ngag gi dbang phyug grags pa yi/ /slob ma'i thu bos mdzad pa rdzogs so// //paN+Di ta don yod rdo rje dang / khams pa lo tsA ba dge slong ba ris bsgyur ba'o// //