27b3 /sgrol ma'i sgrub thabs slob dpon rdo rje myu gus mdzad pa rdzogs so/ /paN+Di ta don yod rdo rje dang / lo tsA ba dge slong ba ris bsgyur ba'o//[ ]@##/ /rgya gar skad du/ sI ta tA rA sA d+ha naM/ bod skad du/ sgrol ma dkar mo sgrub pa'i thabs/ bcom
27b4 ldan 'das sgrol ma dkar mo la phyag 'tshal lo//sngon bzhin du sdig pa bshags pa la sogs pa byas nas/ oM shU n+ya tA dz+nyA na badzra swa b+hA ba At+ma kou0f85haM/ zhes bya ba'i sngags brjod par bya'o/ /de nas suM yongs su gyur pa las rin po che sna tshogs kyi rang bzhin ri rab bo/ /de'i steng d
27b5 u paM las pad+ma dkar po//de'i steng du a las zla ba'i dkyil 'khor ro/ /de'i dbus su hUM dkar po las yongs su rdzogs pa'i bcom ldan 'das ma sgrol ma mdog dkar ba spyan gsum ma/ phyag bzhi pa de bzhin gshegs pa rnam pa lnga'i dbu rgyan can/ rgyan sna tshogs kyis brgyan
27b6 pa/phyag dang po gnyis kyis ut+pa la'i phyag rgya 'dzin pa/ g.yas kyi phyag na yid bzhin gyi nor bu dang ldan pa'i mchog sbyin pas sems can rnams kyi bsam pa yongs su rdzogs par byed pa/ g.yon pa na ut+pa la'i snye ma bsnams pa bsam par bya'o/ /de'i g.yas phyogs kyi logs
27b7 su lha mo 'od zer can mdog ser ba zla ba'i dkyil 'khor la gnas pa gos sngon po phyag gnyis pa/g.yon pa na mya ngan med dmar po'i yal ga bsnams pa/ g.yas pa na rnga yab dkar po dang ldan pa/ sha 'gag dmar pos brgyan pa bsam par bya'o/ /g.yon pa'i logs
28a1 su rma bya chen mo mdog ljang ser phyag gnyis pa g.yon pa na rma bya'i gzhug sgro bsnams pa/g.yas pa na rnga yab bsnams pa/ de lta bu'i rnam par bsams la/ oM b+ha ga ba tI tA re ma ma hr-i da yaM pra bi sha swAhA/ zhes bya bas bdag nyid byin gyis brlab par bya'o/ /
28a2 de nas oM na ma tA re ma no ha re hUM ha ra swAhA/ zhes bya ba'i sngags bzlas par bya'o/ /sgrol ma dkar mo'i sgrub thabs slob dpon yid bzhin nor bu rgyal pos mdzad pa rdzogs so/ /paN+Di ta don yod rdo rje dang / khams pa lo tsA ba dge slong ba ris bsgyur cing zhus pa'o// //