25b4 yi ge drug pa'i sgrub thabs/ dpal lhan cig skyes pa'i rol pas mdzad pa rdzogs so// //paN+Di ta don yod rdo rje dang / khams pa lo tsA ba dge slong ba ris bsgyur ba'o// //[ ]@##/ /rgya gar skad du/ ha ri ha ri ha ri bA ha nod b+ha baM lo ke shwa ra sA d+ha naM/ bod skad du/ ha ri ha ri ha ri la
25b5 zhon par gyur pa'i spyan ras gzigs dbang phyug gi sgrub pa'i thabs/'phags pa spyan ras gzigs dbang phyug la phyag 'tshal lo/ /dang po re zhig sngags pas bde ba'i gdan la 'dug ste/ 'gro ba'i don bya ba'i bsam pas sdig pa bshags pa la sogs pa bdun yongs su dag pa'i
25b6 mchod pa byas nas/yaM las rdzogs pa'i rlung gi dkyil 'khor gzhu'i rnam pa lta bu mdog sngon po ba dan gyis mtshan pa'o/ /de'i steng du raM las byung ba'i me'i dkyil 'khor gru gsum dmar po raM dmar pos mtshan pa'o/ /de'i steng du baM las rdzogs pa chu'i dkyil 'khor dkar po/ bum pa
25b7 dkar pos dbus su mtshan pa'o//de'i steng du laM las byung ba dbang chen kyi dkyil 'khor gru bzhi pa mdog ser po rdo rje rtse gsum pa ser pos grwa bzhir gnas shing mdzes pa'o/ /de'i steng du suM las byung ba'i rin po che sna bdun gyi rang bzhin lcog brgyad dang ldan pa'i ri rab bo/ /de'i steng
26a1 du paM yongs su gyur pa las sna tshogs kyi pad+ma'o//de'i steng du bdag nyid bsams la/ oM hrIHhUM/ rim pa bzhin du spyi bo dang / mgrin pa dang / snying gar rnam par bkod la/ bdag nyid thog ma med pa'i dus nas bsags pa'i las kyi sgrib pa spangs pa'i ha ri ha ri ha ri
26a2 la zhon par gyur pa'i spyan ras gzigs kyi sku gser gyi mdog lta bu 'od zer 'bar zhing 'khrigs pa gzhon nu'i gzugs su sngags pas rnam par bsam par bya'o//phyis ni rang gi snying gar bsod nams dang ye shes kyi tshogs rnam par dag pa zla ba'i dkyil 'khor dang nyi ma'i dkyil 'khor ro/ /de la
26a3 hrIHlas byung ba'i 'od zer gyi dra bas ye shes sems dpa' bkug ste/'og nas 'byung ba'i zla ba'i gzugs la sngon kyi mchod pas yang dag par mchod de/ ye shes sems dpa' dang dam tshig sems dpa' gcig tu byas la/ bcom ldan 'das ha ri ha ri ha ri la zhon par gyur pa'i spyan ras
26a4 gzigs sems brtan pas bdag nyid bsgom par bya'o//phyag drug pa mdog dkar ba ral pa'i cod pan can/ zhi ba'i cha lugs can phyag g.yas pas yang dag par rdzogs pa'i sangs rgyas dbang po byed pa/ gnyis pa na phreng ba bsnams pa/ gsum pa na ngan song na gnas pa'i 'jig rten
26a5 la dge ba nye bar ston pa'o//g.yon pa'i dang po na dbyug pa/ gnyis pa na ri dwags nag po'i pags pa 'dzin pa/ gsum pa na ril ba spyi blugs bsnams pa'i bcom ldan 'das rnam par bsgom par bya'o/ /de la rnam par dag pa ni rlung dang me'i dkyil 'khor gnyis ni seng ge'o/ /chu'i
26a6 dkyil 'khor ni bya khyung ngo //sa'i dkyil 'khor dang ri rab ni khyab 'jug rnam par dag pa'o/ /rgyun du sgom par byed pa'i rnal 'byor pas sems can thams cad kyi don byed pa'i nus pa dang ldan par 'gyur ro/ /skye 'gro thams cad dga' bar 'gyur ro/ /shes rab chen por 'gyur ro/ /nad
26a7 med par 'gyur ro//nye bar 'tshe ba med par 'gyur ro/ /rang nyid nor phyug par 'gyur ro/ /dbang du byed pa dang dug gi las la nus pa chen por 'gyur ro/ /sngags kyi bzlas pa ni gdams ngag las shes par bya'o/ /ha ri ha ri ha ri la zhon par gyur pa'i 'phags pa spyan ras gzigs dbang
phyug gi sgrub thabs rdzogs pa'i sangs rgyas kyis gsungs pa rdzogs so/