CLOSE WINDOW

D3328
བོད་ཡིག

/ //[ ]@## /rgya gar skad du/ shrI badzra d+harma sA d+ha naM/ bod skad du/ dpal rdo rje chos kyi sgrub thabs/ dpal rdo rje chos la phyag 'tshal lo/ /nyes pa'i dra ba bcom pa'i dpal ldan rdo rje chos/ /ngag gi dkyil 'khor spros pa'i 'od kyi dra ba ste/ yang dag sangs rgyas ma lus ngag gi rang bzhin la/ /rab tu btud nas ngag gi sgrub thabs brjod par bya/ /sngags kyi rang bzhin gyis ni rnam par dag pa'i gzugs/ /rab brjod brtson 'grus rlung dang 'dra bas bskyod pa yis/ /sgyu ma dang ni smig rgyu chu zla rtag par ni/ / 'jig rten ma lus pa 'di rnam par bsgom par bya'o/ /paM gi yi ge las byung rnam par bsgom pa ni/ /ma lus rnam dag ngo bo sna tshogs pad+ma ste/ /a yig las skyes dpag tu med pa'i 'od gsal ba/ /cha ni ma lus rnam par dag pa zla ba ste/ /yang ni gsang ba mchog ni sna tshogs par 'gyur ba'o//sa bon yi ge las ni rab tu byung ba'i 'jig rten 'od kyi tshogs/ /ban+du ka yi me tog 'od kyi rnam pa dra ba can/ /gang gis spros pa rab tu byung ba'i rgyu gcig po/ /de yi sa bon yang dag gyur pas skyon med son/ /ting 'dzin phyag rgya 'chang ba'i phyag na pad+ma ste/ /rdo rje gdan gnas snying rje mngon par nyams dga' ba'i//dpal ldan rdo rje 'dod pas yongs su dag pa'i chags/ /ba spu'i khung bur byung gyur rnam dag sangs rgyas kyi/ /sprin gyi tshogs kyis 'gro la phan pa'i don du ni/ /shin tu rnam par dag pa'i blo ni rab 'byed par/ /thams cad 'gro ba'i rang bzhin du ni rnam par bsgom//snying gar zla ba'i gzugs la rdo rje rab bltas te/ /'bar ba yis ni 'jig rten thams cad gsal byed pa/ /yig hUM mgon po las ni yongs su rdzogs pa'i gzugs/ /lnga yi bdag nyid sangs rgyas sprin gyi tshogs byung ba/ /de yi dbus ma'i rwa yi rtse mor gsal gnas la//des gnas lus kyis 'jig rten gsum po gsal byed pa/ /yi ge chen pos rnam 'joms mang zhing mi 'gyur ba'i/ /rgyud las sdug bsngal rab tu rgyas pa'i mun pa ste/ /de las byung ba'i mdzes pa'i 'od kyi tshogs ldan pa'i/ /nyi ma'i gzugs brnyan dri med nyams dga' dmar po ste//shes rab sngon gyi pho nya dge ba'i ngag bskyed pa'i/ /rdo rjer gyur pa'i lce ni rab tu rdzogs par bya/ /de yi rtse mo'i cha la rol pa'i mchog gi dmar po ste/ /de nyid rgya chen 'od ni rnam par bsam par bya/ /rang gi stobs kyis rgyun du gyur pa'i brtson 'grus kyis/ /rtsod pa mchog gis stobs kun 'joms par byed pa ste//rtag tu rab tu goms shing nges par bsgrub pa las/ /ngag gi sgrub thabs dngos grub nye bar grub gyur na/ /tshigs bcad tshig lhug pa dag rtsol ba med par brjod/ /mtshon cha bstan bcos dag ni rnal 'byor pa yis rtogs/ /bstan bcos sna tshogs dag kyang nges par 'byed par 'gyur//'gro ba rnams kyi ched du bdag nyid don chen po/ /'di yis gzhan gyi sems kyi rgyud shes par 'gyur te/ /'dod chags la sogs nyes pa'i nye ba bcom 'gyur zhing / /gang tshe ting nge 'dzin de brtan par gyur pa'i tshe/ /shin tu phra ba myur du gsal ba nges par rtogs//sangs rgyas ma lus dang mnyam sku ni 'dzin pa ste/ /de ltar 'gyur la the tshom 'dir ni mi bya'o/ /byung dang 'byung bar gyur pa mdun na gnas pa bzhin/ /goms pa'i sbyor ba yis ni skyes bus rtogs par 'gyur/ /'dod chags rigs can bud med la ni dga' ba bzhin/ / sems ni rjes su chags par byed na rnal 'byor grol/ /ji snyed dge ba'i rtsa ba bdag gis bsags 'di yis/ /rgyal ba mchog gi dpal ni grol ba thob par shog /'jigs dang mya ngan mi dga' zug rngu rab spangs te/ /ri bong 'dzin pa'i yid ni 'od dang nye ba ste/ /ring por mi thogs dge ba chags pa'i sems kyis ni//bla ma mchog las rnyed pa'i gdams ngag rol pa yin/ /'di yis pad+ma'i rigs su 'gro zhing rgyas gyur cig /dpal gyi rjes 'gro ting nge 'dzin dbang du byas pas dga'/ /bdag nyid bzang po skye 'gro mthong bar rab 'gyur ba/ /'bar ba'i me yi phreng ba'i dbus su gnas pa'i sku//snying rje bla mar 'dzin 'gyur thod pa'i phreng ba 'dzin/ /chu 'dzin rgyas pa'i mngon par rab tu sngo ba'i dpal/ /ngag gi sgrub thabs mchog gyur ba/ /bde ba'i skye bo bzang pos byas/ /'di yis ngag ni sgrub byed pa/ /ngag gi dbang phyug de 'gyur shog /rdo rje chos kyi sgrub thabs slob dpon su dza na b+ha dras mdzad pa rdzogs so/