| བོད་ཡིག |
21a5 /oM hrIHSh+T+r-IHwi kr-i tA na na hUM hUM phaT phaT swA hA/ zhes bya ba'i sngags bzlas par bya'o/ /gshin rje gshed nag po'i sgrub thabs rdzogs so/ /khams pa lo tsA ba ba ri dge slong chos kyi grags pas bsgyur ba'o//[ ]@##/ /rgya gar skad du/ kr-iSh+Na ya mA ri sA
21a6 d+ha naM/bod skad du/ gshin rje gshed nag po sgrub pa'i thabs/ bcom ldan 'das gshin rje gshed la phyag 'tshal lo/ /dang po re zhig snying rje dang ldan pa'i sngags pas bde ba'i gdan la 'dug ste/ thang ka la sogs par gtogs pa'i bcom ldan 'das gshin rje gshed mdun du da
21a7 migs te/bla ma dang / sangs rgyas dang / byang chub sems dpa' yang bltas nas/ sna tshogs kyi mchod pa rnams kyis yang dag par mchod de/ phyag 'tshal ba dang / sdig pa bshags pa la sogs pa bya'o/ /de nas swa b+hA wa shud+d+ho zhes bya ba la sogs pa'i sngags kyis rang bzhin
21b1 gyis rnam par dag par mos shing chos thams cad bdag med par bsgoms la gnyug ma'i sngags/oM shU n+ya tA dz+nyA na badzra swa b+hA wa At+ma kou0f85haM zhes brjod par bya'o/ /de nas rang gi snying gar oM las skyes pa'i zla ba'i dkyil 'khor la hUM sngon po/ kha cig gis ni nyi ma la gnas pa'i hUM bltas la/ de'i '
21b2 od zer gyis bgegs rnams bskrad de/sems can gyi don byed pa la sogs pa'i khro bo gshin rje gshed kyi rnam pa spro zhing bsdu ste/ skad cig gis de yongs su gyur pa las bdag nyid gshin rje gshed du bsgom par bya'o/ /sku mdog nag po zhal gsum phyag drug pa'o/ /kha cig gis ni zhal
21b3 drug zhabs drug par 'dod do//zhal mche ba gtsigs pa/ spyan dmar ba'o/ /g.yas kyi phyag gsum na 'khor lo dang / ral gri dang / gtun shing bsnams pa'o/ /g.yon gyi gsum na pe ta li dang / dgra sta dang / zhags pa bsnams pa'o/ /kha cig gis ni g.yas pa'i phyag na ral gri
21b4 dang /tho ba dang / rdo rje bsnams pa'o/ /g.yon gyi phyag na dril bu rdo rje zhags pa dang / gtun shing ngo / /skra kham pa gyen du bsgreng ba/ mgo bo'i phreng bas brgyan pa'i dbu rgyan can/ klu'i rgyal po brgyad kyis spras pa'i rgyan dang / mi bskyod pa'i dbu rgyan can sna tshogs pad+ma'i steng na nyi ma'i
21b5 dkyil 'khor la g.yon brkyang ba'i zhabs kyis gnas pa 'od kyi dkyil 'khor dmar po'i rnam par bsgoms nas/nu ma'i bar du zla ba'i dkyil 'khor la hUM blta'o/ /sku dang gsung dang thugs rnams la zla ba'i dkyil 'khor la oM AHhUM/ zhes bya ba'i yi ge gsum/ dkar po dang / dmar
21b6 po dang /nag po go rims bzhin du blta'o/ /de nas snying ga'i sa bon las byung ba'i lha mo rnams kyis bdag nyid yang dag par mchod cing bstod nas bzlas pa bya'o/ /oM hrIHSh+T+r-iHwi kr-i tA na na hUM hUM phaT phaT swA hA/ gshin rje gshed nag po'i sgrub pa'i thabs rdzogs so/ /khams pa lo tsA ba dge
slong ba ris bsgyur ba'o/