| བོད་ཡིག |
19b6 /'jam dpal go 'phang thob par shog /'jam dpal shes rab kyi 'khor lo sgrub pa'i thabs rdzogs so/ /khams pa lo tsA ba ba ri d+harma kIrtis bsgyur ba'o//[ ]@##/ /'phral du nyams myong 'jam dpal gyi/ /sgrub thabs legs par brjod pa ste/ /shes
19b7 rab don gnyer skye bo yi//shes rab ngan rmongs dug gzhom phyir/ /dang po re zhig rnal 'byor pas/ /yid dang mthun pa'i sa phyogs kha cig tu dbyangs yig a las byung ba'i zla ba la gnas pa'i yi ge d+hIH'i sa bon las byung ba'i lcags kyu'i rnam pa'i 'od zer gyis a ra pa tsa na la sogs pa
20a1 bkug ste/mchod pa la sogs pa byas nas stong pa nyid bsgom par bya'o/ /de nas sems kyi rnam pa yongs su gyur pa las zla ba'i dkyil 'khor la gnas pa yi ge d+hIHmngon par gyur pa las ral gri rnon po blta bar bya'o/ /de'i rtse mo la dang po'i dbyangs yig yongs su gyur pa las
20a2 zla ba de'i steng du ral gri la sa bon no//de thams cad yongs su gyur pa las ral gri dang po ti bsnams pa/ gtsug phud lnga cung zhig 'khyil pa/ gos dmar po zung dang ldan pa/ sgeg pa'i cha lugs 'chang ba/ cung zhig bzhad pa'i zhal can/ zla ba'i 'od dang 'dra bar mdzes pa sna tshogs pad+ma la gnas pa'i zla ba la sems
20a3 dpa'i skyil mo krung gis gnas pa/'phral du nyams su myong ba'i a ra pa tsa na'i gzugs su bdag nyid blta bar bya'o/ /de nas rang gi snying gar dbyangs yig dang po yongs su gyur pa las ma reg pa'i 'khor lo rtsibs brgyad pa'o/ /'khor lo de'i steng du sor gcig tsam cig ma reg pa'i
20a4 dbyangs yig dang po las yang dag par gyur pa'i zla ba'i dkyil 'khor ro//de la yang zla ba dang sa bon gyis bskyed pa'i ral gri'i rtse mo la zla ba dang / sngon du bstan pa'i ral gri'i sa bon gyis rnam par brgyan pa/ ral gri la sogs pa yongs su gyur pa las de lta bu nyid kyi 'jam pa'i dbyangs kyi rnam par
20a5 bsgom par bya'o//de'i mdun du ra las skyes pa'i ral gri'i rtse mo la dbyangs yig dang po las skyes pa'i zla ba la gnas pa ra'i rnam pa bsgom par byas nas ral gri la sogs pa yongs su gyur pa las dzA li nI gzhon nu bcom ldan 'das lta bur blta bar bya'o/ /de bzhin du rgyab tu de ltar yang lnga pa'i
20a6 dang po las tsan+d+ra pra b+ha'o//de bzhin du g.yas phyogs su yi ge tsa las ke shi nI'o/ /nu ma'i khar dbus rnam par mdzes pa'i mgon po'i gzugs so/ /g.yon par yang u pa ke shi nI yi ge na las de bzhin du'o/ /de thams cad kyi rang gi snying gar zla ba la rang rang gi sa bon dkar po'i rnam par bsam
20a7 par bya'o//de nas gtso bo'i thugs ka'i sa bon las byung ba'i 'od zer gyis bkug pa'i ye shes sems dpa' de dang lhan cig tu byas nas/ 'khor lo yang myur du 'khor zhing zla ba la gnas pa'i lha mo bzhi po dang ldan pa'i bdag brtan por ngag gi rang bzhin ma lus par spro ba dang sdud par
20b1 bsam par bya'o//bsam gtan gyis skyo bar gyur na sngags bzlas pa bya ste/ de la sngags kyi rgyal po 'di lta ste/ a ra pa tsa na d+hIHzhes bya'o/ /'phral du nyams myong 'jam dpal gyi/ /sgrub thabs brjod pa'i bsod nams gang / /bsags 'gyur de yis 'jig rten kun/ /rtag tu 'jam
dbyangs mtshungs par shog /