CLOSE WINDOW

D3321
བོད་ཡིག

@##/ /rgya gar skad du/ nA ma sang+gI ti sA d+ha naM/ bod skad du/ mtshan yang dag par brjod pa'i sgrub thabs/ ngag gi dbang phyug la phyag 'tshal lo/ /dang po re zhig sgrub pa pos snga bar langs te kha la sogs pa dag par bya ste/ bsam gtan gyi khang par rab tu zhugs nas/ bde ba'i stan la skyil mo krung gis nye bar gnas la/snying gar pad+ma dang zla ba la dmar zhing dkar ba'i muHyig bsgom par bya'o/ /de nas de'i 'od zer de'i tshogs lcags kyu'i rnam pa can gyis bkug ste/ bcom ldan 'das 'og nas 'byung ba'i mdog dang / zhal dang / phyag mtshan dang / gdan dang / nye bar ldan pa mdun du rnam par bsgoms la/yid kyis rang bzhin gyi me tog dang / bdug pa la sogs pas yang dag par mchod la/ de'i mdun du sdig pa bshags pa la sogs pa thams cad byas shing byams pa la sogs pa tshangs pa'i gnas bzhi rnam par bsgoms nas/ chos thams cad stong pa nyid du mngon du bya ste/oM shU n+ya tA dz+nyA na badzra swa b+hA wa At+ma kou0f85haM zhes bya ba'i sngags kyis byin gyis brlab par bya'o/ /de nas nam mkha' la hUM gis rdo rje rtse lnga pa sa bon dang bcas pa rnam par bsgoms la/ de'i 'od zer rnams kyis ji lta ba'i sbyor bas rdo rje'i ra ba dang / rdo rje'i gur dang / sa 'og kun rdo rje'i sa gzhir dmigs la rdo rje yang 'od zer du gyur nas rdo rje'i ra ba las phyi rol tu phyogs bcing pa la sogs pa'i gzugs kyis nye bar gnas par blta'o/ /de'i rjes su rdo rje ra ba'i nang du hrIHyongs su gyur pa las pad+ma'o/ /pad+ma'i steng du a las zla ba'i dkyil 'khor ro/ /de'i steng du dkar dmar gyi muHyig la sangs rgyas mang po spro ba dang bsdu ba'i rnam par bsgoms la/de yongs su gyur pa las rje btsun 'jam pa'i dbyangs dmar zhing dkar ba pad+ma dang zla ba'i steng na rdo rje skyil mo krung gis bzhugs pa/ zhal dang po dmar po g.yas sngon po g.yon dkar po zhes bya ba'i zhal gsum pa bsgom mo//phyag bzhi na ji lta ba'i sbyor bas shes rab kyi po ti dang ral gri dang / gzhu dang / mda' dang ldan pas so/ /rin po che'i dbu rgyan mtshan sum cu rtsa gnyis dang dpe byad bzang po brgyad cus rnam par mdzes pa/ gzhon zhing gzhon nu'i rgyan gyis rnam par brgyan par bdag nyid bsgoms la/ snying gar pad+ma dang zla ba'i steng du rdo rje sems ma dkar mo sems dpa'i skyil mo krung gis bzhugs pa/ g.yon na dril bu dkur brten cing 'chang ba'o/ /g.yas pa na rang gi snying gar 'degs par byed pa'i sbyor bas rdo rje 'chang ba smin mtshams su de bzhin du rin chen rdo rje ma ser mo phyag gnyis kyis spyi bor me tog gi phreng ba 'ching zhing nye bar gnas pa'o//mgrin par pad+ma rdo rje ma dmar zhing dkar ba/ g.yon pas pad+ma'i sdong bu 'gying bag dang bcas pa bzung ba/ g.yas pas de'i 'dab ma kha 'byed cing sngon bzhin du de nyid nye bar gnas pa'o/ /spyi bor las kyi rdo rje ma sku mdog ljang gu rdo rje rtse gsum pa dang ldan pa'i phyag gnyis bdag nyid kyi spyi bor 'chang zhing de kho na bzhin du nye bar gnas par bsgom par bya'o//oM badzra ang+ku sha dzaHoM badzra pA sha hUM/ oM badzra s+pho Ta baM/ oM badzra A be sha hoHzhes pa'i sngags kyis pad+ma dang zla ba'i steng du go rims ji lta ba bzhin du ye shes kyi 'khor lo dgug pa dang gzhug pa dang bcing ba dang /dbang du bya'o/ /rdo rje khu tshur gnyis bcings te mdzub mo dang / mthe'u chung lcags sgrog tu byas shing sprad pa bkan te rang gi kha ru nye bar bzhag pa ni rdo rje 'khor lo'i phyag rgya ste/ ar+g+haM dang zhal bsil dang / me tog dang / bdug pa la sogs pas yang dag par mchod la skad cig gis rang gi lus la gzhug par bya'o//de'i rjes su de bzhin gshegs pa thams cad kyis bdag la dbang bskur ba sngon du 'gro bas/ mi bskyod pas bdag nyid kyi dbu brgyan par rnam par bsams la/ oM sarba d+harmA a b+hA ba swa b+hA wa bi shud+d+ha/badzra tsak+ShuHa A aM aHpra kr-i ti pa ri shud+d+haHsarba d+harmA ya du ta/ sarba ta thA ga ta dz+nyA na kA ya many+dzu shrI pa ri shud+d+hi ta/ mu pA dA ya ti/ a AH sarba ta thA ga ta hr-i da ya/ ha ra ha ra/ oM hUM hrIHb+ha ga wAn/ dz+nyA na mUrti/ bA gI shwa ra/ ma hA pA tsa/ sarba d+harmA/ ga ga na a ma la su pa ri shud+d+ha/ d+harma d+hA tu dz+nyA na gar+b+ha AHzhes bya ba'i sngags kyis dang po dang /bar ma dang / mthar byin gyis brlab pa sngon du 'gro bas/ rje btsun mtshan yang dag par brjod pa nyi ma re re zhing so so'i thun mtshams su lan gsum mam lan gcig tu skyil mo krung ma zhig par mnyam par gzhag par bklag par bya'o/ /de ltar ji srid grub pa'i mtshan ma mthong bar de srid bklag par bya'o//de'i rjes su rgyud ji lta ba bzhin dngos grub kyi thabs la rjes su gnas par bya'o/ /mtshan yang dag par brjod pa'i sgrub thabs rdzogs so/ /paN+Di ta don yod rdo rje dang ba ri lo tsA bas bsgyur ba'o// //