14a1 /oM d+hIHswAhA zhes bya ba'i sngags kyis bzlas pa bya'o/ /rig pa 'dzin pa'i sde snod du gsungs pa'i mdor bsdus pa'i 'jam dpal gyi sgrub thabs rdzogs so/ /khams pa lo tsA ba ba ri dge slong d+harma kIrtis bsgyur ba'o// //
14a2 @##/ /rgya gar skad du/ bid+yA d+ha ra pi Ta ka pra ti ban+d+ha many+dzu g+ho Sha sA d+ha naM/ bod skad du/ rig pa 'dzin pa'i sde snod kyis bsdus pa'i 'jam pa'i dbyangs kyi sgrub pa'i thabs/ bcom ldan 'das 'jam dpal dbyangs la phyag 'tshal lo/ /sngags pas dang po bya ba ni/ /sangs rgyas la sogs
14a3 rab mchod nas//bsod nams yongs su bsngo la sogs/ /de nas byams pa la sogs bsgom/ /snying gar zla ba'i gzugs dbus gnas/ /sngags pas thig le rnam par bsam/ /mar me'i rnam pa'i 'od kyis brgyan/ /'od zer gyi ni tshogs 'di ni/ /sa bon kha ba lta bu'i 'od/ /thig
14a4 le de la 'od zer bsam//so sor ba spu'i bu gar byung / /'gro kun rgyas mtho gang sogs pa'i/ /rim pa rnam par gsal bar bya/ /d+hIHdkar rnam pa'i gzugs nyid du/ /thig le nang ltos 'od zer blta/ /'di kun yongs su gyur pa las/ /a ra pa tsa na dmigs bya/ /snying gar zla ba'i dkyil
14a5 'khor ro//dbus su chud pa'i d+hIHyig blta/ /'od zer dag gi tshogs 'di ni/ /sna nas tshig ni byung bar blta/ /sems can 'jam dbyangs rnam byas te/ /'byung ba'i rlung gis khyab pa dang / /phyis ni 'jug pa rlung gis ni/ /d+hIHyi rnam par yid kyis bsdu/ /oM ni dang por swA hA mthar/ /