| བོད་ཡིག |
10a7 @##/ /rgya gar skad du/ a ra pa tsa na sA d+ha naM/ bod skad du/ a ra pa tsa na'i sgrub thabs/ /'jam dpal gzhon nur gyur pa la phyag 'tshal lo/ /zla ba ltar dkar glegs bam ral gris phyag mtshan pa/ /shin tu mdzes shing mchog gi gzhon nu zur phud lnga/ /dga' mchog thar pa
10b1 rgyas shing pad+ma'i 'dab 'dra'i spyan//blo ngan sreg mkhas 'jam pa'i dbyangs la phyag 'tshal lo/ /gang gis lo phyed rgyun mi 'chad par mngon bsgoms pas/ /skye bo a ra pa tsa na ni nges 'grub 'gyur/ /dngos po ma lus rtogs pa'i byang chub mchog thob pa'i/ /rin chen 'khor lo'i man ngag
10b2 shin tu bsdu bar bya//mnyam gtsang bsngags pa'i yid du 'ong ba'i sa yi char/ /dri zhim me tog gcal bkram spos chus chag chag gdab/ /la lar 'jam zhing yid 'ong stan la nyer gnas te/ /bde ba shin tu mtshan med byang chub sems bsgom bya/ /gsang sngags rang bzhin dag pa brjod
10b3 nas ni//ma lus kun nas stong par rnam bsgoms shing / /dngos don don bcas bdag gi lus nyid kyang / /de ni 'od gsal mtha' ru lan gcig bsam/ /de nas bar snang rang nyid zla dkyil ni/ /dbyangs yig dang pos 'od dang ldan pa bsgom/ /de bzhin 'dir ni shin tu dkar ba'i d+hIH/ /
10b4 de ni 'jam dbyangs dri ma med par bsgom/ /zla ba bye ba'i 'od dang mtshungs pa la/ /rgyan rnams thams cad rab tu 'bar ba ste/ /chags bcas cung zad bzhad cing yid 'ong bar/ /bsam gtan mthar phyin pad+ma'i steng bzhugs bsam/ /rang gi snying ga'i yi ge a mchog ni/ /rnam par 'phro
10b5 bar gyur pa legs bsams la//mnyam med 'od zer rnams kyi dra ba ste/ /'khor lo'i rtsibs ni brgyad pa'i gzugs su bsam/ /de yi steng du zla ba'i gzugs nyid la/ /sngags pa yis ni de la bsgom bya ste/ /zla ba'i 'od ltar shin tu dkar ba yi/ /mgon po 'jam pa'i dbyangs ni de
10b6 nyid do//g.yas su shin tu mdzes pa'i gzugs ldan pa/ /rnam par 'dzum zhing zur gyis lta ba dang / /nu ma gnyis ni shin tu rgyas pa yi/ /skra can de la blta bar bsam par bya/ /g.yon logs su ni nye ba'i skra can ma/ /shin tu mdzes shing sgeg pa'i gzugs can ma/ /yon tan ma
10b7 lus pa yi gter gyur pa'i//de gnyis tsa dang na las bsgom par bya/ /mdun du dra ba can 'od bsam pa ni/ /dri med rab dkar ra las byung ba nyid/ /zla 'od yid du 'ong zhing 'od ldan te/ /pa las byung ba rgyab tu gzhag par bya/ /yang na yi ge'i ra ba 'bar ba yi/ /rgya chen mthu ldan
11a1 rnam par bsgom bya ste//des ni mi shes ri bo 'joms pa dang / /ye shes dam pa rnyog pa med par byed/ /'og tu 'khor lo myur du 'khor bsams la/ /gti mug mun nag ma lus rnam par sel/ /rang lha'i sku ni mi 'gyur nyid bsam shing / /zla ba'i gzugs 'dra'i
11a2 'od zer dra ba che//zla 'dra'i 'od zer sprin ni rgya chen po/ /phyung nas phyogs bcur song zhing 'bar bsams la/ /bdag lus de bzhin sems can rnam brgyan te/ /'ongs nas snying ga'i zla ba'i gzugs la bzhugs/ /de nas sngags mchog a ra pa tsa na/ /sngags pa'i mchog gis
11a3 legs par bzlas par bya//blo gros brtan pas man ngag ji bzhin du/ /bsgoms na myur du sa mchog rnams dang ni/ /dri med yid 'ong pha rol phyin kun dang / /blo ngan nyes bcom rgyal ba thob par 'gyur/ /bla ma dam pa dga' rab rdo rje ni/ /dam pa'i chos rnams mchog gi mdzod gyur pa'i/ /
11a4 bde bar gshegs pa'i tshogs kyi spyan snga ru/ /gang zhig cho ga bzhin du dbang bskur ba/ /blo gros bzang po mi pham bshes gnyen gyis/ /skye bo rnams kyi blo gros dag bya'i phyir/ /a ra pa tsa na yi 'khor lo mchog /de yi gzhung du yang dag sbyar ba yin/ /'khor lo'i cho ga'i mchog ni
11a5 legs sbyar bas//bdag gis bsod nams rgya chen thob 'dus pas/ /gang des 'gro kun sdig pa las rgyal zhing / /bde mtha' gcig tu 'jam dbyangs nyid gyur cig /a ra pa tsa na'i sgrub thabs slob dpon chen po mi pham bshes gnyen gyis mdzad pa rdzogs so/ /rgya gar gyi mkhan
po ka ma la gup+ta dang /